(( أبْــيَات لَيْسَ لَهَــا بَيــْت ...!! ))

[زايد الشليمي]

:
الى ذرب الوادي
:



ياضاق صدري نَخَيتَكْ ( ذرْب )
أنت الفضا .. والبشر سجْـــني
:
مرّات ودي يزيــد .. الكرْب
ألقى عذر ...... لو تكلّمْنــي
:
بعد المسافة يجيب القرْب
تبعد .. ولكن .......تقـــرّبْني
:
ياذرب ....قلّي علام الدّرْب
قل للخُطا وين تحْمِلْـــني
؛
ياشــرَّق الناس ...رحت الغرب
أفكاري ....اكيد تذبحـــــني
:
تقول :خارج نطاق السرْب
كل الشعر صار يسْمَــعْنِي
:
لكن على الريق شح الشرْب
ومزاحَمَ الناس..... يكسرني
:








:
زايد..
:

[/quote]

 

[زايد الشليمي]

:

يايبه وينك أبي منك النهار
‏دام كل الكون دايم يسمعك
‏؛
‏يايبه ياجيت غيّرت المسار
‏مادريت ان الفجر يمشي معك






:
زايد..
:

[/quote]

 

[زايد الشليمي]

ابني خالد ..
الذي وِلدَ قبلي .. ودعاني الى
الحياة رغماً ... عني
جئتُ .. فأصبتُ بحبّه المرضي
دائما أنا وهو .. نردد نفس الدعاء
(( الله لايحرمني منك ...))
ولا أعرف الله سبحانه سيستجيب
لمَن ..؟



أنا .. خايف تحطّك الناس قِبله
يوه منك ..بس اخاف اني كفرت
:
خايف انك تكبر بلحظات غفلة
ويل حالي كان في غفلة كبرت..
:
كيف تقدر تختصر عالمك (جملة)
والله اني مهما احاول ماقدرت

:
زايد..
:

[/quote]

 

[زايد الشليمي]

( ميــمونه ...)
ســاخرة .. من روحها
تقابل .. الحرب بالحب .. وتنتظر
انتصار ... وجهها
كتبتها .. أكثر من مرة
ولكن ( ميمونة ) هي العنصر
الباقي
:


وقتي منافق واعيش بقلب (ميمونه)
مالي عزيمة ولاني للتعب ظاري

لاظل هادي ولااحلام مضمونه
داري بنفسي ولكني ولا داري

احلام طفلة تشد بخيط بالونه
مع زفّة الريح اصبح حلمها جاري
:
وين الخوى طاحت الهقوات من دونه
لافيه فزعة ولاهو حافظ اسراري
:
ياريحة الظل شفت الحال مغبونة
تعال اعلمك وشّي آخر أخباري
:
تعال شفني سوايا الوقت ملعونة
ملامحي تعلّمك ......كل آثاري
؛
لامن ذكرتك يضيق الكون في كونه
ماودي اطريك لكن جيت بالطاري





:
زايد..
:

[/quote]

 

[زايد الشليمي]

اختنقْت .. ولابــقى بالأرض صــاحب
والضًُــلوع اللي حَــمَـتْنِي .. كَـسّرَتْنِي
:



:
زايد..
:

 

[زايد الشليمي]

من متى كانت ملامحنا لنا
لو صِدَقْ وجهي تراني ماعرفته
:
يا (أنا ) بَسْأَلْك قلي وين أنا ؟
داخلي لكن بعمري ماوصلته
؛
اختفى ظلّي وانا مالي غنًى
انكسر وجهي واحاول ماجمعته
:
اذكر اني كنت مع (امي )هنا
واذكر اني وجهها الطاهر رسمته
:
يايبه أذكرك .......جالس بيننا
واذكر اخواني وابو ناصر ذكرته
:
كل ركنٍ .. في زوايا .. ..... بيتنا
داخلي ساكن .. لونّي ماسكنته
:
واذكر (( محمد .. )) خويي بالعنا
راح .. لكنْ داخل بصدري حفظته
:
يالطريق المستقيم ...المُنحنى
كم ذبحت من الخطا ساقي هلكته
:
من يجيب الشمس لاحضاني سنا
يزرع الريحان في وجهٍ كرهته



:
زايد..
:

 

[زايد الشليمي]

:


من عناقيد الفقر أقطف ثماري
يلعن الحظ العمى فيني تجَــنّى
:
مابقى من الطّـيبين الا ..الأثاري
ولابقى منَ احْلامنا غير انْـتِمَنّى
:
وش أخذنا من (الربع )غير المزاري
وش أخذنا من تراثك غير ( كِــنّا )
:
يحسبون الطيّب من جانب تجاري
أفلست كف الكريم .. ولاتَهــنّى
:
حالتي ( يازيد ..) تقراها بْسماري
الظروف الويل ....في مقتل رمنّا
:
منه يقدر يلحقك للطيب ضاري
مانْتظرت المدح أو شاعر تغنَّــى
:
أَسَتَرْ من الليل وأصدق من نهاري
واكْرم من الغيم .. وأكبر من وطنّا
:
جاعت ضلوعي.. وأنا اشوف انكساري
حتى احس الهم ....بعروقي تثنّى
:
طال عمري وانا واقف في مساري
انتظر كف الحزينة ...لو تحَــنّى
:
أنا داري والمصيبة .. انت داري
إنِّ أخوك العون ..باقي في زمنّا
:
ذنبي اني صرت في نهجي (يساري)
ماهُو كَيفي ....عقلي للفكرة تبنّــى
:
انثر الأطفال من صدري قماري
وأزرع الأنوار .. في ظلما الْمَعَـنّى
:
هذي الأفكار ماهي باختياري
اختلاف عقولنا ... مخلوق منّا
:
لُـو هُو كيفك تقدر تجيب الطواري
مابقى في عالمك ..واحد تعـَنّى





: