شَارعِين و مَدِينَة :

[نوف مطير]

المشاركة الأصلية كتبت بواسطة خالد صالح الحربي

:

شَاعِر و حُزْنِهْ شَارِعين وْ مَدِينَه
________ يشُوفْ نَوْب ، وبَعْض الأحيَانْ أعمَى


لِهْ مِنّك السُّكْنَى ، و لِهْ شَارعِينِه
________ لِهْ السَّرَاب ، و لاَ لَقَى بغيرك الْمَا!


سَلْمَى تِمِدّ كفُوفَهَا لـْ...راحتِينِه
________ وتِينِهْ هوَ اللّي رَاحْ بْـ...كفوف سَلْمَى


مَا شَال رَاسِهْ غَيْر حِلمِه بْـ..عينه
________ " يعينِهْ الله" ، لَوْ مَرَاسِيهْ ظَلْمَا


تَطَشّرَتْ قَبْل الطُّفُولَه سنِينِه
________ ولَمّا كُبَر مَا حَصّل سنين ، مَهْمَا


حَاوَل بشَوكِهْ قَبْل لا يَاسمِينِه
________ يُدْمِي و يُدْمِي لكن كْثِير يَدْمَى


هِنَا يُرَوّضْ بَحْرِهْ آخِر سفينَه
________ وهِنَا يتَضَوّر حِبْرِهْ الضيم و اظْمَى


وينهْ سؤال يموت و تْعِيش وَينِه
________ يَلْقى الإجَابَه فِي مشَاريهْ بَكْمى


يَرجَع من أوّل شَارعِين و مدينه
________ يشُوف نَوب وبَعْض الأحيَان أعمَى

يالطيف ياهذا النص ويني عنه من زمان !
الله الله الله ياخالد
سلمى تمد كفوفها لـ راحتينه
وتينه هو اللي راح بكفوف سلمى

مُدهش.