ان كنت غادي تراي بمجتمع غادي

[بداح المطيري]

ماتجتمع عزّتي وضميره الهادي
اتوقع ان داخله " بـ اسم الهوى ذكه "

سقت الركايب وظنيته يبي ينادي ،،
عزاه ،،، عقب الغلا بقلوبنا شكه

دخلت وادي وكل الناس في وادي ،،
' ادوج فـ القاع من سكه ليا سكه '

من ضيقة النفس حتى البال متمادي
فتح لي الليل باب " ازريت لا اصكه "

كن الليالي تعزي شيبي البادي ،،
وكن الطواري تجي وتروح مرتبكه

ماهوب عادي ترا لو قلت لك عادي
اللي نشب فالزمن نشبه ، يبا الفكه

يانجد شوفي ، انا من ترثت اجدادي
" اللي من خيولهم قلبان مفتكه "

يوم الدهر والعرب يحدها الحادي
اسيوف متعاركه ،، وجيوش مندكه

حتى ولو نشأتي ومرباي فـ ابلادي
جيت اشتكي لـ الثرى بهموم مسطكه

ان كنت غادي تراي بمجتمع غادي
يبي اختلاط النسى ويموت في مكه
#بداح_الشويب

 

[سليمان عباس]

عندما قرأت هذه القصيده
علمت ان الشعر لايزال بخير

مبهر يابداح

 

[رشا عرابي]

لله درّ الشعر حين يرعاه إلهامٌ سخيّ

قصائدك تملك سِمات الطيّبين
دمت والإبداع صنوان شاعرنا

 

[سلسبيل]

تبارك الله
من الجميل أن الشعر لا يزال على قيد الحياة
يحفظك الله

 

[نادرة عبدالحي]

روائع الكلام يُحفر بالفكر ويأبى الفكر التخلي عنهُ ، أسلوب صريح

يظهر ما حل من تغيرات بالبشر والبيئة ، ويصرح الشاعر

حتى لو اني ابن هذه البلاد جيت اشتكي لهذه الأرض عن هموم يحملها ،

حتى ولو نشأتي ومرباي فـ ابلادي
جيت اشتكي لـ الثرى بهموم مسطكه

سلم فكرك النير وإلهام إبداعي المعنى والعمق والملامح ،

 

[سيرين]

يانجد شوفي ، انا من ترثت اجدادي
" اللي من خيولهم قلبان مفتكه "

ما أبهى الحرف
حين يكون سيف مشهر بعزة النفس والانتماء الوطني
بورك هذا المداد ودام غيث هطوله مورق شعراََ يعتلي الرُبى
سلمت شاعرنا المبدع \ بداح المطيري
مودتي والياسمين

\..

 

[هديل نجد]

/

ان كنت غادي تراي بمجتمع غادي
يبي اختلاط النسى ويموت في مكه

س:/ منذ متى ظهر مصطلح ( إختلاط ) .. ؟

أبدعت


..

 

[صالح العرجان]

المشاركة الأصلية كتبت بواسطة بداح المطيري

ماتجتمع عزّتي وضميره الهادي
اتوقع ان داخله " بـ اسم الهوى ذكه "

سقت الركايب وظنيته يبي ينادي ،،
عزاه ،،، عقب الغلا بقلوبنا شكه

دخلت وادي وكل الناس في وادي ،،
' ادوج فـ القاع من سكه ليا سكه '

من ضيقة النفس حتى البال متمادي
فتح لي الليل باب " ازريت لا اصكه "

كن الليالي تعزي شيبي البادي ،،
وكن الطواري تجي وتروح مرتبكه

ماهوب عادي ترا لو قلت لك عادي
اللي نشب فالزمن نشبه ، يبا الفكه

يانجد شوفي ، انا من ترثت اجدادي
" اللي من خيولهم قلبان مفتكه "

يوم الدهر والعرب يحدها الحادي
اسيوف متعاركه ،، وجيوش مندكه

حتى ولو نشأتي ومرباي فـ ابلادي
جيت اشتكي لـ الثرى بهموم مسطكه

ان كنت غادي تراي بمجتمع غادي
يبي اختلاط النسى ويموت في مكه
#بداح_الشويب

معك على الاطلال واجاذبك العوى يا ذيب

كتبت كلام ومسحته مهو لاني خفت بس من الحيا وعيت علي شيمتي

صح لسانك يا الامير