جُمُوحُ العَاطِفة

[محمّد الوايلي]

https://youtu.be/vfqfLJrbFR8

هذي خشوم طويق يامغلي طويق
هذي الخشوم اللي يذري ذراها
هذي الخشوم اللي تفرج عن الضيق
لازادت هموم المعنى رقاها
ولاضقت من وقتي على رجمه أويق
ويطرد عن النفس الشقية شقاها
كم مرة عديتها وخاطري ضيق
وحولت منها سالي من عناها
وكم مرة جريت فيها الطواريق
وإليا رفعت الصوت جاوب صداها
وكم حي عداها على فكة الريق
وكم واحد تحت الثرى قد وطاها
وياما تعلووا في حجاها التفافيق
للصيد يوم الصيد ياطا ثراها
احبها حب يخج المعاليق
لو كانها صم يروع حصاها
حب قديم معتق الود تعتيق
واكبر ويكبر وسط قلبي هواها
ومن لا مني في حبها دون تبريق
معذور حيثه ما تعلا حجاها
ولا بطيت عن هاك الرجوم الشواهيق
كني مضيع حاجة ما لقاها
وجعل الخيال اللي بروقه شواعيق
لاجا على ذيك النوايف سقاها
يسقي مداهيل الرجال المطاليق
اللي فعايلهم بعيد رداها
هذا جوابي يوم تنشد عن طويق
وينبيك عن عالي حجاها ذراها

الشاعر عبدالله الدغيثر