هكذا اُغتيل ( الأسـد )

[سلطان الدوسري]

.
.
مدخل .. بـ هدووووووووء :
.
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه في مرقدي شفت الحِلِم وايقنت به=رؤيا صدوق وصادقه واضغاثها ماتنحكي
مسرح كبير وزخرفه .. وستارته لوتنتبه=ماتنوجد .. كالكاسيه او عاريه وقت البكي
واضحيت لي ناس(ن) على دقّ الطبل ماتشتبه=شفت الطيور محلّقه كل(ن) يقول انه ذكي
والا على قول المثل : كل ماقريت ابكتبه=سيناريو من فبركه باقي نجيب احمد زكي
يعني كذا هم خططوا .. وانا كذا نشّنت به=رؤيا تصيب وينجلي ذاك السواد ل يكيكي[/poem]
.
.
.
تنفُس .. بـ شهيق .. ولكن بلا زفير :
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كذا ببدا من الآخِر وارتّب قافيتها ( رتك )=واشقلبها على غليون واحط العجز في ( راته )
كذا ( الغليون ) مع تبغه تكنّه من غوى طفرتك=ودخانه يروح لفووق .. سبايب زود كرّاته
هنا لابد ابيّنها اذا ( النشوه ) إهي رغبتك=واذا ( الراحه ) على تبغه طبيعي نفكّ شفراته
على المليون ياهامان اذا فرعون في حضرتك=وزير وصار كبش القوم وضاع النيل بفراته
وفرعوني على ناقه شَعَبْهَا من غدر زمرتك=الا ياناقتي وينك ؟؟ وناصر شدّ مسراته
سرى فيها وطمّرها وكلّه من سبب حفرتك=ونوخّها وزبّنها رياض العزّ مذراته[/poem]
.
.
.
مخرج .. بـ ( أنا ) لعلّها تُغتفر :
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هاض الشعر في خاطري واركيت له كلمة ( وَعَد )=ماأخذله حين اكتبه شامخ وهو يشمخ معي
بالاعجمي .. باليعربي .. بالطلسمه .. خذني وَلَد=يعني كذا ريحانها .. والابجدي .. والدرسعي
ماادّعي بالمعرفه .. غيري يفوق اكثر بَعَد=لكن انا لي منهجي في فلسفة : ( من هوْ يعي ) ؟
والمعرفة لاتُشترى بل تُكتسب كدّ وجَهَد=واللي رقد في مهجعه .. كنت استزيد بمهجعي
نصف العقل يرقد رخا والنصف الاخر في رَعَد=كن إخضرار المفرده ينبت وفا في مرتعي
ماأخذله دامه عطى .. لنّ العطيه لي سَنَد=ابني ظهر واتعنّزه .. وارفض بكاه ابمدمعي
واطرب معاه اليا وقف وانصت كثير اليا قَعَد=فالحالتين استوعبه .. تباً لمن لم يُقنعي
حتى الخيال اليا قنع كنّه كذا عمداً نَهَد=اتحسّسه واستوعبه .. و(اكشن اقين) لمقطعي
يعني اكرر صورتي وانفض شوائب من رَمَد= واليا اكتمل لي طورَها خاطبتها : هيّا دعي
اقصد خلاص اتممتها واخرجتها صورة بَرَد=من منطلق بعض الكلام ابفلسفة ( اللاوعي )
واللي يعي مااقصده حتماً يوافق بو سَعَد=لنّ الأنا لاتُغتفر .. يعني اسمحولي هالسعي
يعني انا متعوّذ(ن) من هالانا عند الأسد=مااقدر اواجه هالأسد الا بحكمة مرجعي
ارجع ورى في خطوتي وآخذ من اعلا ماوَرَد=واكسر زئيره من فِكر واكتب قصيدي له نعي
مات الاسد مات الاسد لن يرتقي مهما صَعَد=حتى ولو يصعد كذا ادوى مِطِيح بمسمعي[/poem]
.
.
.
.
احتراماتي

 

[م.عبدالله الملحم]

إنِي مِنك [ غَاضِب ] ...!!!
و لكن س أقول .. أهلاً ب عودتك الــ [ مُ ب هـِ ره ] ..

 

[سلطان الدوسري]

.
.
حبيب قلبي المهندس الأنيق \ الملحم عبدالله ..
لك حق الغضب .. ولك حق نرضيك ..
ومرورك هنا شرف ..
سلملي عليك ..
.
.
.
احتراماتي

 

[محمد السالم]

ياأخي أنت كلية شِعر متحركة وتتعاطا مع الفضاء الأفتراضي

أنت مذهل

لا لا أنت مربك

لا لا أنت مدهش

والله أني لم أجد لك تسمية إلا سلطان الشِعر الأوحد

 

[هنادي المطيري]

هامه شعريه لا يستهان بـ سمائها
يجب أن يكون المرور هُنا غير عادي !




كما / أنت
لله درّك أخي الكريم




أختك ،

 

[خالد السويلمي]

سلطان
ياسلطان

ألجمت لسان الشاعر
بعذوبة الشعر
وهذا إعترافي


جوري لـ قلبك / روحك / فكرك
مشاعرك/ شِـعرك

 

[أصيله المعمري]

سلطان الدوسري
أنت تكتب شعر لا يأخذه الزمن
أنت تكتب شعر باقي
رغم كل شيء




صح لسانك
واياك والغياب

 

[عبدالعزيز عبدالله]

سلطان الدوسري


مبهر حقاً تمكنك من ادواتك الشعريه
تتعامل مع الشعر بحرفنه الخبير
لم ترهق مشاعرك وروحك هنا بقدر ما ارهقت ادواتك الشعريه

لك التقدير