تراتيل صحراء

[خالد الرويلي]

المشاركة الأصلية كتبت بواسطة عبدالعزيز المخلّفي

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را

( قايد الحربي )


.
.
.
يكتب قايد فيصنع لنا فضاء نحلق من خلاله
مررت بهذين البيتين أعلاه وماتبعها من أصداء .
فحاولت أجاريها ببيتين كما فعل الأحبة ، ولكن
من يستطيع كبح جماح القصيدة إذا إنهمرت
فتقبلوها كما هي ..

.
.

هذي الدروب المجدبة جرحها ني
اقرا تراتيلك على روح صحرا

كانت قبل يجتاحها الشوق للمي
تورق على ذكر المجاريح مسرا

تعرف بأن أرواحهم بوحها شي
يشبه تغشاي الخجل عين عذرا

الهاربين من العتب مالهم فَيّ
يحضن عميق جروحهم لين تبرا

إلا رموز مبهمة تعشق الغي
تُسأل قبل لا تنكتب كيف تقرا

ياصاحبي جنب معاناتي شوي
حاول تناسى حبر واوراق صفرا

اللي عطيته عمر ماهو بمنسي
واللي كسيته روح وشلون يعرى

روّح بنا ناخذ من النجمة الضي
هذا الظلام الخرمسي كان احرى

بالتايهين اللي طواريقهم زي
قول المثل راحت مع الخيل شقرا

ماهو لنا هذا المدى يابعد حي
لملم حروفك وانت بالحالة ادرى

واخلع سواد الياس عن دهشتك عي
احذر تكون فـ درب الايام ذكرى

اما خذيت احلام عمرك كما هي
على الأقل قالوا نوى مجد وازرى

..

بوح عظيم


شكرا على روعتك

 

[عبدالعزيز المخلّفي]

مرحبا ياخالد

لكـ 🌹

 

[سعيد الموسى]

وكان الشعر هنا - محرّضاً لكتابة الشعر ..

-

نِعم الشرارة والإشتعال !

 

[سُرَى]

؛

تَعرفُ المَعاني الكَريمة كَيفَ
تَمِدُّ يديها



( مُبدِعان )

 

[سليمان عباس]

هذا العبد العزيز لا يقبل بما هو دون النجوم

رأيي فيك لا يقبل يا عبدالعزيز

لأنهم يعلمون انك في العين

شكرا لهذا الجمال الغير غريب منك
وشكرا لقايد