تدوين , !!

[نواف التركي]

.

.

.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كنّ الكلام بدفتر الصمت مكتوب = لا قادر أطوفه ولا قادر أقراه
وأنا على بوابة الحلم مصلوب = عبرة لمن غيب المقابيل ينساه
مرّتبي قلوب وتعدّتني قلوب = وأنا أنا محطّة الدمع والـ / آه
غديت كنّي مفرق دورب لدروب = تمرّه ركاب القلوب وتعدّاه
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحة كان صوتك للرحيل أقرب = صمتك يقول إنّ قلبك للجفى راهي
نبرتْك مرتابةٍ تبحث عن المهرب = وأعذارك أبطت تدوّر عذرها الواهي
ماني بضامي ولا أنت العدّ والمشرب = أنا أكثر اللي يغيب وتحضر أشباهي
ماهو غريب إبتعادي قربي الأغرب = ياضحكةٍ ما كتبها الله على شفاهي
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا مهيجن بدرب الأمنيـات إستريـح= ما للأيام عذر أن بيحت بـك خفـى
ما يفيدك ولو كنت البليـغ الفصيـح = لو تغنّي على أطـلال رسـمٍ عفـى
توّ الأيام حبلى بالعنـى يـا جريـح = لا تحسب الزمـان بما فعله إكتفـى
لو تنادي ولو في قفر عمرك تصيـح= ما أنت لاقـي بهالدنيـا قليّـل وفـى
لا تدوّر صحيح إن كان تبغى الصحيح = شمس عمرك وغابت لا تدوّر دفـى
دام رجلك تشيلك صاحبـي لاتطيـح = المنابر مقابر وأنت صوتـك شفـى
صاحبي كنت مثلك مستبـدٍ صريـح = لين أقرب قريب إستد فينـي جفـى
صدّق العلم هيجن مايلـي وإستريـح=(تنفخ النور أفواه الظـلام وطفـى )
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تبي تعرف أن أكثر الناس كـذاب = أبعد شوي تشوف مثلي أعاجيـب
يا صاحبي خل المدى ليل وغيـاب = ماعاد يغريني حضوري وأبغيـب
يا صاحبي وأحباب ماعادوا أحباب = (ياعلّها سوداء) بقى غيري يجيب
حرفه ويرمي نبض روحه للأغراب = ويستسهلون اللي رمى لكن الطيب
حدّه يطق الباب لو راعـي البـاب = يسمع يديه تطّق طق طق ..ياعيب
كل الذي أعلاه مرسـول بكتـاب = ما يعلمه ياكود من يعلـم الغيـب
قلبٍ رماه الوقت ما بين الأنيـاب= لا تشرهين أن قطّع عروقه الذيب
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أرتحالاتي فضاء عن كـل ضيـق = أبتهالاتي ذرى عـن كـل ريـح
مو غبي لكنّي أغفل عن صديـق = مو ذكـي جـداً ولكنّـي صريـح
عن قلوب الناس ما أخذ لي طريق = ما يـودّي لأي قلـب ومستريـح
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
فيك الأرواح من كثر العناء تستجير = أعتق الدمع ما فالصبر غير العـذاب

لاصباحك بخير وهالمساء مو بخيـر = والسنين تتوارى للعدم والذهاب

ما أنت مرتاح من طول الهجر والهجير = أنجضتك اللهايب والمدى و الغيـاب

طيعني كون عن بعض السوالف فقير = فكرتك لا ترقيهـا متـون السحـاب

لا تعرّض همومك للمدى وأستخير = دام كل أبن أنثـى مرجعـه للتـراب
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أنت أخر اللي باقـيٍ فـي عيونـي = أن طحت ما ينفع عقب طيحتك صوت
تكفى تجي من غيرك أخـر طعونـي = على الأقل أذكـرك بالخيـر وأمـوت
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا عازف العود روّقنـا = البال مبطي ما هو رايق
قسّمت حتـى تشوّقنـا = يا ضايق البال يا ضايق
بالله للحـزن فرّقـنـا = ماهو علينا الفرح لايق
[/poem]

 

[سعيد الموسى]

*
[ 1 ]

قراءة !

*
بإذن الله سأعود يانواف ...

 

[سعيد الموسى]

*
*

أجمل مافيك يانواف أنك لن تتكرر !
وأنك حاضرٌ حتى في غيابك !
وإن حضرت فحضورك يكتسح كل حضور ..
للشعر معك لذّة ٌ لاتوصف ولاتقارن حتّى بالتذوق لغيرك ...
ياالله يانواف كيف أشكرك على هذا الصباح الممتلئ بك وبالشعر !
الشاعر الذي يجعل المتذوق يعود للقراءة أكثر من مرة , يجب أن يقف له الشِعر إحتراما ً ...
*
لافته :
كنت جميلاً ولازلت أجمل يانواف والله
لا أقول شكراً لك !
بل أهديك لــ شكراً

 

[ماجد العيد]

نواف التركي ..
هذه الباقات الثمان امتلأت شعراً و عبيراً ..
ألف تحيّة و الله لـ حرفٍ تكتبه يا نواف ..

 

[وديع الأحمدي]

نواف التركي ,,


وأنت لا تحضر أيما حضور ,
تحضر والشعر يتقاطر منك عطرا ,
للمتعة مكوث هنا , لا يُمل , لا يُهمل ...
دمت بود


تحاياي

 

[هـيـفـااللاّفـي]

نواف التركي

من الشعراء الذين يستطيعون امساك الهواء بأيديهم , تشكيله , تلوينه
و اطلاقه في الفضاء شعر ..

.
.

دمت متألق يانواف

 

[ميــرال]

لن يغيب الشعر وانت من يمنحنا معانيه واعذبه
نواف التركي
لقلبك السلام والتقدير

 

[مي التازي]

أنا أكثر اللي يغيب وتحضر أشباهي

.
.

هذا البيت سقطة كبيرة لِ نواف التركي ..
لأنه حاضر دائما في قصائده ، و قصائده حاضرة "فينا" ..
و من جهة أخرى .. لا أشباه له !

امتناني لِ حرفك