بياض القلب..مع سود النوايا مااجتمع بكتاب!!

[غالية زهر]

[poem="font="arabic transparent,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على صحراك تمطر عبرتي.. وينبت هوا كذاب..= تخون الارض..وابقى صادق الاحساس من يومي!!
ظلمت ارض الهوا..والله ماخانت وظني خاب = ولاخان بزماني الا انت ياحظي ومقسومي
تصدق.. كثر ماخطيت لعيونك عنا وصعاب.. = كثر ماحذروني من طعونك أهلي وقومي
كثر ماضاقت الدنيا علي وقفلت الأبواب = كثر ماكنت اتوسل لفرحك ينهي همومي
كثر ماعشت باوهامك سنين وماحسبت حساب= كثر ماصرت تكره كل طاري يطري قدومي
أبي تلعب على غيري وتزعم ان حبي غاب= وتحلف للعواذل (من غلاي اصبحت معصومي)..
نثرت احلام تجمعنا مع نثر التراب..تراب!!= وبدّلت الرضا اللي زيِّفَته عيونك..بلومي
تنكرت..وتجبرقلبك الميت بعد ماذاب= بعد ماحفيت اقدامك علي وعشت..مهزومي..
تقول انك نسيت اسمي..واقول انك ترى نصّاب!!= تناديني بحلمك..ترتجي ملقاي ولزومي
تحن لدافي انفاسي..وتحلم لو نرد احباب= تدور اي فرصة لجل تسمع عني علومي!!
تحسب اني على خبرك..ضعيف ومنكسر..أوّاب!!= توسوس لك شياطينك بأن الأمر..محسومي
ولكن..شوف يامسكين..واسمعني..ولاترتاب= وثمِّن كل كلمة تطرق قليبك..بها أومي!!
بياض القلب .. مع سود النوايا مااجتمع بكتاب= وبحر الضيم..ماشقّه لعوب وجرَّب يعومي
وشمس الحق.. ماغابت.. بحول المالك التوّاب= ورب الكون..مايرضى يبات الحر مظلومي..
ولو سوّل لك غرورك.. بأنك تسلب الألباب = وانك منفرد بأوصاف توهن فيني عزومي..
ضحك فعلاً عليك..وعيّشك دور الكبير..وصاب= صغير بعين كل من يكشف أطباعك..ومذمومي
وانا أول من وهمته وفاق من سكرة هواك..وطاب= صحيت من ابشع احلامي..ألا ياصحوتي دومي,,[/poem]