(( أبْــيَات لَيْسَ لَهَــا بَيــْت ...!! ))

[زايد الشليمي]

 

[زايد الشليمي]

ماغيّر المُر.. من لون السما لساني
خوذي عمر واتركيني والعسل مرّك
:
لسْكِنْ وطن داخلك يغني عن اوطاني
ماسرّني طعم ((هالدنيا )) ولاسرّك
:
دام الضحية تفوز بطعنة الجاني
الصادق اللي يحبّك .. لازم يضرّك
:
ماقلت عينك غشاها االرمش تنساني..
وشلون طيفي..بطيشةرمش مامرّك
:
وش عاد تسأل من اللي ضيّع الثاني
تبقى حكاية ويبقى بالصدر سرّك
:

للموت احبك ...ولاأرضيت.شيطاني
حتى لونّك تجي موطاي ..تِتبْــرّك
:
باقي مع الناس .. لاخيّرْ ..ولا جاني
أسمع سكوت البشر وصدور تجترّك
:
هذا أنا ..شاعرك ..مجنون ..تلقاني
شربت بحرك ..ولكن ضعت في برّك

؛
فقري ..ولازلت .....ماغيّرت عنواني
ثابت وانا اشوف كل الكون يتحرّك
:
والله.لو جابوا الدنيا ...على شاني
لاتْرك حلاها واعيش بخير في شرّك
:

 

[زايد الشليمي]

ياريم.. دمعي من زِمَن ماذرفْتِه
منهُ بقى ياريم ... يسوى دموعي
:
مابْكي لجرْحي .. أبكي اللي جرَحْتِه
قَفّتْ..وطاحتْ مِنْ زَعَلْـهَا ضلُوعي
:
منهُ بقى في عالمي ..ماخسرته
ماكانت الدنيا على كيف طوعي
:
ياليتني ياريم .... طبعي خَلقته
ودي أجامل بس عيّت طبوعي
:
ياصار في صدري حكي ماتركته
هذا أنا .. نادر من الناس نوعي
:
لحظة زعلها ... خفت قلبي مسكته
ماهي حبيبة.. بس هزّت خشوعي
:
ياشاعرة ..شعري عشانك نِـثَرْتِـهْ
إن كان يرضيك الأسَف ..لك خضوعي
:
ياريم ..ضاع ..بداخلي ... ماوصلتْه
لكن حروفك ..جد ..تعلن رجوعي
:
لاتزعَلي ..ماعاد ... شعري لعنْتــه
أَبَرْجَــع ..لِفكْر التراث ..الشيوعي
:





: