مُتنفس .. شِعري !

[زايد الشليمي]

 

[زايد الشليمي]

:

اختنقت ولابقى بالارض صاحب
والضلوع اللي حَمَتْني كسّرتْني
؛
تكفى ياريمي تعبت من المتاعب
معطفك يكفي يخليني أغنّي
:
يوم قفى كل ربعي .. ما أعاتب
ماتفاجأ يوم فيهم خاب ظني
:
صار كذب الناس نوع من المواهب
بالردى فنان ..وفي غَبْنَك يهنّي
؛
يخرج من النور وجهي صار راهب
أطهر من الروح قطعة كان مني
:
وجهي يسألني عن الفقر المصاحب
كيف حالي ..هد حيلي وامتحني
:'
صارت الأرزاق توخذ بالمحارب
لك تخيّل ابسط حقوقي تِمَـنّي
:
واسأله وين الخوي له قرن غايب
ذا صديق العمر شال الارض عني
:
وين ماجيته على كل المذاهب
لو نخيته فز قبره .....،مايثني ..

واسأله عن وجه امي ليه شاحب
أذكره ..........في كل حالاته يحنّي
؛
تكفى أمي حبّها مكتوب واجب
تبكي امي ......أكبر أنواع التجني
:
مانخيتك الا من كثر المصايب
حظي الأقشر ابويه بالتبني
:





:

 

[زايد الشليمي]

...


من عناقيد الفقر أقطف ثماري
يلعن الحظ العمى فيني تجنّى
:
مابقى من الطّيبين الا الأثاري
وش يفيد من السوالف كيف كنّا
:
وش أخذنا من الربع غير المزاري
كل واحد عند نفسه غير عنّا
:
يحسبون الطّيب من جانب تجاري
أفلست كف الكريم ....وماتمنى
:







:

 

[زايد الشليمي]

ماكرهت انسان كثرك
حتى كرهك له طَعَـمْ
؛
ماقدر أسلب منك فكرَكْ
أعترف إنك عَــلَم ..
:
أنا أكْــره فيك صذْرَك
منك قلبي ماسِلِـــم
:
غلطتي بيّنْت قدرَك
شفت نفسك بالقمم
:
والحقيقة ان ....قدْرَكْ
كل ناسك لك خــدَمْ
:
أكْـرهــكْ لله دَرّك ..
أتشَرّف .. يامهم
؛
لو تجيب الناس ذكرك
قلت والله والنعم







؛





: