التبغ هذا اللذي سبته على شانك
................. رجعت له والسبب في الحالتين انتي
/
من اول اغنى عنه وردك وريحانك
................. واليوم عوّد نديمي بعد ماشنتي
/
شنتي بهجرك وتطنيشك ونكرانك
................. ايست منّك تعودي مثل ماكنتي
/
وشلون قلبك فقد إحساسه وخانك
................. والا قسى حين من قلبي تمكنتي
/
ماكنك الغيمه اللي عذب تحنانك
................. أغرى بسحره خفوقي يوم لي لنتي
/
أبعتبر إن ذيك الغيمه اكفانك
................. واغسلك بالدمع ماني قايلٍ خنتي
/
بذكرك بالخير لكن مو على شانك
................. من شان قلبٍ بتعذيبه تفننتي