[جمال الشقصي]

:
:


شمالية


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وهي.. يومٍ تجيني بهيئة البلور=مْنين أنظر.. ألاقي بطبعها التوبه
تجي قلب بجسد في داخلي منثور=شماليّه.. وحزن الأرض بجنوبه
طبيعي من سمعني بظلمة الديجور=أشِبّ آيه من الأعماق محطوبه
على ميلاد حب بْغرفة المهجور=نشا حلم.. وتوفت كامل ذنوبه
حبيبه.. تشبه النظره بباب السور=يطيح قبالها عاشق ومحبوبه
حبيبه.. ما تجي لحظه وانا مستور=أجي رعشه بدم الشوق مكتوبه
حبيبه.. همسها دفّىَ شتا عصفور=حواليها.. عيون أنذال مصلوبه
حبيبه.. دمّها الحاني عليّ يثور=وانا راحل.. بقى من عزته ثوبه
فقدت اللي فقدته والزمن مغرور=مشيت اللي لْهدبها ناسي دروبه
لكعابها.. حزينه روعة البلور=وجا لمعكوبها.. يتوسّل اسلوبه![/poem]
:
: