من الماضي جديدة الاحساس:
ماهقيت الشمـس تشـرق يالحبيـب
لين شفتك شمس في ليـل الغيـاب
كن نور الشمس في بعـدك يغيـب
والقمر لاغبـت يـا مفتـون غـاب
اثر قلبي من سهم رمشـك صويـب
قلبي اللي ما خبـرت انـه يصـاب
كل جرحٍ من دوى جرحـك يطيـب
و كل دمعه في سما عينـي شهـاب
أنت جرحي.. وأنت لجروحي طبيب
كل جرحٍ لا لمسته ..لمـس طـاب
غربتي لو هي معك مانـي غريـب
دام صدرك لي وطن واغلى تـراب
الونس من غير شوفك لي حريـب
والفرح عاري ..وقربك لـه ثيـاب
وصبع كفك لا لمس بالراس شيـب
ينقلب لونه ..وعـود فـي شبـاب!
ياحبيبي والرجـا بـك مـا يخيـب
الضمى قلبي..ولا مـاك السـراب
اشعر بزلزال لا شفتـك قريـب
والسمـا تلتـف حولـي بالسحـاب
ترتعد كفي..ولا ادري ويش اجيب؟
مثلما حلـمٍ ومـن حولـي ضبـاب
by:
خالد الدوسري