[زايد الشليمي]

؛

يَاصَاحِبِي شِفْلِي معَ الناسْ صِرْفَه
عجزت أفهم مجتمعْنا الى الْحين
؛
الجَرْح.غَايِر.. ماوقَف .. فيه نزفه
ماضمّد المجروح موت السكاكين
:
ياصاحبي صار الفضا... زي غرفة
منهو ينام .. وكان في ذمّته دَيْن
:
مثل ..الدُمى نرقص على أي دفّة
عقّال تبغى أوْ .. ..تبينا مجانين
:
ياصـار ميـزان العـدل بـس كفّـه
عادي ترى مايفرق الزين والشين
:
نعطي ولاتحسب عطيناك سلفة
نبغى نحس إنَّـا من الناس غالين
:
أحيان من دمّك..معْ عُفُون صِفّه
منَ الحيْ ميَتْ ...يخرج الله شكلين
:
لاتنتظر ....من شحَّتْ يديه وقْفه
حتى لونّك شايله... بين ضلعين
:
صار الرّدَى ..عند أكثر الناس حِرفه
ياقشرها ياصرت ....تقدر ولاتعين
:
وينك ((محمّد)) ..صاحبك حل حَتْفِه
وينك تجي خابرك صاحب على الدين
:
خوّة ...وفزعة ....والندى كان كفة
كأن ربي خالقه ........ للمساكين
:
أ
زايد