شعر x شعر .... أبيات لا تكتمل

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أغيب وأرجع والسخافات هي هي = وأستاحش لقل الكلافه وأفارق

أخترت نصفي ميّت ونصفي الحي = يكون في حزن المسافات غارق

نذرت أكون لعتمة أحبابي الضي = وظلّيت من عمر البدايات شارق

أرمي بنفسي دون عثراتهم لـ / أي = سيف وأموت ولا تطيح البيارق

ما أقول أنا اللي ما طرق راسه الغي = لكني أكثر من زهد كل طارق

ماغير ( مي ) إليا طرقت خلوتي (مي) = تسطي تقل رمحٍ على القلب زارق

تمر كنّه ضحكة الطفل أو زي = بشارة الأرض المحيله ببارق

تضحِكني إشويّ وتبكّيني إشوّي = وأحس معها غصن الأيام وارق

ماكنت أفرّق ذي عن ذي عن ذي = وعقب أبعدت عرفت كبر الفوارق

مات الكلام ولا بقى للضمى فيّ = والوقت لأجمل ما ذكرناه سارق [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]مرّي بدون إزعاج بـ/ هداي ـ بـ / هداي = لا تقعدين الجرح ..بالله .. بشويش

إقري وخوذي ما تيسّر من غناي = وصبيه فـ / دروب السفر للمطاريش

لا تذخرين من السهر شي للجاي = مو كل لحظات العمر تقبل الطيش

غنّي بصوتك بعض مني لدنياي = أنا تعب صوت الحزن فيني يعيش

محتاج صوتٍ غير صوتي لشكواي = بسمع بدون آه وتحشرج وتشويش

لأني أجرّه لا حشرني من أقصاي = وأغيب وأعطي كل هالناس تطنيش

أحسّ جف الشعر ما عاد وياي = الليله أكثر من كذا .. وأكتب بأيش

الحين غيبي لين أرتّب حكاياي = وعودي بعد ما ينبت لـ /هالشعر ريش [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]اللي يقول إن كل مطرود ملحوق = قلّه تريّح راحت أعمارنا طرد

ماعادت الأمثال لأحلامي تلوق = وهمومي طروشٍ على خافقي ورد

خلّك من التمثيل واللطف والذوق = ما للمقرد غير تدريجة القرد [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]دع الشعر وأساطير الكلام وفلسفته وراع = إلي .. وأفهم ..وبطّل من قناعاتك بإيهامي

بأن الشعر نوع من الترف وإن القصيد أنواع = وأنّ ..وأنّ .. وتأنأن علي وتقطع إلهامي

ياعمي هدّ مو كل القصايد ذوق وإستمتاع = بعضها ما يضع رحله يا كود أقطّع إبهامي

تبي عاد الصحيح أقرب وأسولف لك عن اللي ضاع = قبل ما أجمل تفاصيل الحياة تموت قدامي

لي أكثر من ثمان سنين ما تقضب رجولي قاع = كأني موكل أقيس الفضاء بخطوة أقدامي

ماهي لحية شعر طس السبيل بنكوي الأوجاع = وشغلّي مهلي خل صوته يبري ألامي

ترا يكذب عليك اللي يقول إن الفجوج وساع = إذا تقدر تموت بديرتك مت جايعٍ ضامي

وحق الله يـ / أني كل ما دكّوا على المهجاع = أغنّي للعيون عن السهر يا نكبتي نامي

ويشق الصبح من عين الظلام وما رضت تنصاع = ولا يطري عليها تستريح أتلذذ أحلامي

لك الله بس أدوّر في متاهات الزمن مطلاع = ولا أرجي غير أريّح من شقاي بمقبل أيامي

ماني ناقص يطيح قناع خلف قناع خلف قناع = يكفّي خلّها بس إتّحمل ثقلي عظامي

وإذا غرّك وصول التافهين وذكرهم لا شاع = فصدّق لو عرفت شلون وصلوا تشكر أقدامي [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بتعيش تاكل غير هذي وبتعيش = من قال لك يعني تسوي هواوي

يا لله ياعمي جت بسيطه وبالريش = بكره تحلّق فالسماء يا النداوي

عادي تعوّد تعطي الوضع تطنيش = وغب كثر ما تقدر وخلّك خلاوي

وأنزح عن التخمين والشك والـ / ليش = وصمّ عن كلام / العاشقين الحكاوي

تراك في وقتٍ يعزّ الدراويش = ويرخص مقام أهل الشيم والنخاوي

عدّى زمان الطيش يا راعي الطيش = وبعيوننا صار الزمان متساوي

ما عادنا بعيون خلق الله غويش = كبرت مشاريه العرب والهقاوي [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لو يعرف السافل بإنه سافل = ما كان حاش الطيب واحد غيره

لكن يشوف إنه لجيله نافل = وكلٍ بعقله راضي وتدبيره

مو كل ما مرّك شرودٍ جافل = إقصيت نزفك في أثر تقصيره

إسكت وخلّك واعيٍ متغافل = ما لك بـ / شر الناس ولا خيره

دع ذا وربّك للبرايا كافل = وأنسى وفض لـ / هالعلاقة سيره [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
والله حتى القصيد أحسّ كثرّته = والناس ماهي بـ / أرض وماني بـ / صيّب

لكن عزاي إن من يقرى فلا أجبرته = يجيني بطيب نفس ويرتحل طيّب

والشاعر اللي عروق القلب محبرته = ما هو ولو طال ليل الوجد متهيّب

وش عاد عقبك وباب الحب سكّرته = كل المنابر تقول لشاعرك غيّب

لو كان بالدمع خيره يمدي أخترته = لو بالصبر فود ما خلاّني أشيّب

فإن كان قلبي بليل الحزن سامرته = ما هو بكل الليالي منّك قرّيب [/poem]

 

[نواف التركي]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

كان تبغى الكلام اللي عليه الكلام = صكّ قلبك عن قلوب العرب وأستريح

مرّ بعيون خلق الله مرور الكرام = ما يضرّك ملام ولا يسرّك مديح

المقامات ما تحشم بوسط الزحام = لا يضيع الغناء بين العواء والنبيح

وأنت عقلك معك والمعذره والسلام = وبعد أذنك بدوّر لي مكانٍ فسيح

خاليٍ غير من صوتٍ يفجّ الغمام = لين وبله على جرد الحنايا يطيح

يمكن يعود يصدح للقلوب الحمام = يمكن الشعر يرجع مثل الأوّل فصيح [/poem]