{ أَرَقْ وَرَقْ }

[أكرم التلاوي]

شحّادة !!!

وجت تشحد ويا خالد لو تشوفها
................. يمكن عليم الله كذا يوقف النبض
تدري شحصل من مدت كفوفها ؟
.................. ولله قالت ... وكنّ العطا قبض ؟
كنها أغارت علي ّ بطيوفها
................. وشعرت ما قدرت تشيلني الأرض
وشلون تشحد وهي أبسط وصوفها
.................... العين جوهر ولولو فمها غض
وشلون تشحد وهي تنطق حروفها
.................... شعر ٍ منزّه عن النقد والنقض
من نورها تدري اش لون نفنوفها
................... شديدٍ سواده وانا شفته أبيض
والله لو هو ملى جيبي ألوفها
.................. ما كان كفّي بمدها ثانية جض
قمت العن الدنيا وألعن صروفها
................ يوم انها تلفي وانا منتفض نفض

 

[أكرم التلاوي]

يا ضيق صدري في غيابك كأنّي

....................... أبو وبنته تايهه ما لقاها

لا هي بتنطق تسأل الناس عنّي

............. ولاني صرخت وقربتني بنِداها

 

[أكرم التلاوي]

صدري ضايق ...
....... فيك ِ شي ؟

 

[أكرم التلاوي]

ما جاني منّك رد !
عسى غيابك خير ؟
ياني غبيّ بجد
به خير بغيابك ؟

 

[أكرم التلاوي]

أرجوكِ لا تنامي
مابي يجنّ الليل
وتخذلني أحلامي ..!

 

[أكرم التلاوي]

ما في قصيدي خير لو كان دونك
.................. يلي شعلتي في حروفي فوانيس

مالي فضل كل الفضل في عيونك
................ آخذ أنا من الكيس وآحط بالكيس

 

[أكرم التلاوي]

على لسانx( أصابع ) أبكم :

إن كنت ما أنطق ترى في كفوفي
................ تشرق لغات الأرض في هيئة حروف
الكون يوحي والسما من حروفي
................... منهو الذي عنده مثل كفّي كفوف
تنطق أصابيعي من أعماق جوفي
.............. ترسم على وجه المدى الفارغ طيوف
شرّحت أنا عُجم الكلم في سيوفي
.................... وذللت في عزمي مقادير وظروف
الكون يجلس عند حزّة وقوفي
................. يسمع أصابيعي وهي تنسج وصوف

 

[أكرم التلاوي]

أبوذيات فيسبوكية

أنا :
انا لك صرت يالغالي تملك
وفي قلبي إلك قصر ٍ تملك
واذا روحي تفكر هي تملك
وعهد الله تراها مو بليا

أنا :
جرى دمعي على خدي وهل
وعني غاب بدرك ولا هل
احسبك كنتِ لي ربع واهل
شلون يطاوعك قلبك عليا ؟

نايف السبعان :
شوصفك و الوصف محتاج وصفه
و جمالك زاد فوق الذهـب وصفه
عليمن يكـنب الـدكــتـــور وصفه
طبيب إنتا و جــمـالك صــيـدلــيه

نايف السبعان :
أحــبك و أعـتـذر منّك و أنا أســف
جــمـال بروحــك مغربل و ناســف
أحط بروحي "تي إن تي" و ناسف
و أفـجر روحــي مـن تـزعــل عليا

محاور نت :
يلوم المادرى بروحي شمرها
مايدري الدهر عن ودهم شمرها
ليالي فراقهم والله شمرها
أمر من المنازع بالمنية

أنا :
غيابك زود بروحي عناها
عناكِ الشعر غيرك ما عناها
ولو تسأل من جروحي عن آها
تطير الآه من صدري شظيه

محاور نت :
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه

أنا :
محاور يا غلى روحي محاور
عظيم اليوم نفتح به محاور
وش اجمل بالحياة انك تحاور
صديق ٍ فيه نبض وشاعريه

محاور نت :
دخنت من التتن دنهل وسومر
وقلبي من الهوى زنجر وسومر
أحبكم من عهد بابل وسومر
وحتى "التلاوي"أنكسر كلبه عليه

أنا :
كسرت الكلب في مزنك وحزنك
تحوز اللي تبي لو ما يحزنك
شعر ما هو يبكّي ولا يحزنك
مهو من الشعر والعهدة عليا

محاور نت :
مكانك بالروح فلا ينقاس وصفه
احبك حب أغلى من الذهب واصفه
وما حاجة للدكتور يكتب إلي وصفه
نظرت عيونك حبيبي صيدلية

أنا :
ترفق يا حبيبي بي ترفَق
ولا تسمع لحكي اللي ترفق
الا شافوا بعنيهم بك ترف فاق
احسدوني يوم يدّك في يديا

محاور نت :
أنا غــير القلـب ممـلك ولك ضل
فلا تصدق عدو يغوي ولك ضل
يخـوفي علـيك لو تمشي ولك ظل
يلازمك الـدرب روحه وجيـه

أنا :
بجمالك ما شفت بنتٍ ولا شب
ومن شفتك وبيّا الحب انا شب
صغيرٍ كنت وصرت اليوم انا شب
بجي واخطبك ِ وتصيرين ليا