غرق

[أحلام مؤجلة]

ماعاد يرسل رسايل ود
ولا عاد يسأل عن الأخبار

اول تجينا وحنا نرد
نختار لجله من االأشعار

والحين وصله طواه البعد
لاعاد يرسل ولانختار



أحلام مؤجلة

 

[أحلام مؤجلة]

أبوذية


كثير اللي اغدروا بيا ... وعادوا
وقالوا عني ماقالوا .... وعادوا
عجب وشلون يوم الحين عادوا
اسامحهم وانا ذقت الأذيه



أحلام مؤجلة

 

[أحلام مؤجلة]

عصفورة الصبح ماتدرين عن غالي
راح ونساني ولاجتني مراسيله
.
من عقب عينه وحيدة مالي الوالي
ياشيب قلبي على فرقاه ياويله

ياليت مرة دروب الحظ تصفالي
يمكن يجيني ويمكنّي أنا اجي له

.
غايب ولكن خياله حاضر ببالي
حاضر بكله ولاغابت تفاصيله

يازين لحظة لقاه وشوفه قبالي
ويازين ضمه ويامحلى مواصيله



أحلام مؤجلة

 

[أحلام مؤجلة]

على طاري فقدتك حيل وين دروبك أقفت بك
ومن آخـر بشر شفتـه ... سألته عني وأخباري

متى حنيـت لِـ وجودي ونار الشـوق تلعب بك
متى هزك حنينك لي وجيـت مصاحبـه ساري

من اللي طبطب بـ يـده على جرحٍ سكن قلبك
من اللي كان ينقل لك قصيدي فيك واشعاري

وش اللي كنت محتاجـه ، ولا صار وأنـا جنبك
وليـه بـ قسوة عنادك رفضت من أول اعذاري

وإلى وين الجفـااا ودى شعورك وانتهى حبك
ومن اللي قال لك اني بكيت .. وانت مو داري

كثيٰر الأسـئلـة عنـدي .... ولكن صّـدق وربّـك
ماعـاااد بهمنـي ألقـى جـوااااب يريّـح افكاري

انا ماعدت محتاجة أجيـك ... وأمشي بـ دربك
لقيت دروبي لوحدي ، بديت لوحدي مشواري

كـذَب من قال لك إنّـي أنا للحينَ اسولف بك
تراااانـي مبطي ناسيتـك ولكن جابـك الطاري

 

[أحلام مؤجلة]

جابك الطاري…. كيف الشوق ماجابك ؟؟؟؟؟؟؟

 

[أحلام مؤجلة]

أحلام :
————-

قم قهوني قهوة بدو
فنجالها يبري الجروح
مجروح واحبابي غدوا
خلك معي لا لاتروح
من يوم راحوا وابعدوا
عايش عليل بـ دون روح


دلال الضيغمية:
————————

لبااا اللي غنوا وإقصدوا
بحتي وانا مثلك أبوووح
ياجعلهم .......ماعودوا
لا تنزعـج ولاتنوووووح
مادااااام مايوم انشدوا
وإن اقتلوا فيك الطموح
تراااهم لقلبك فدوووو
إليا متى قلبك سموح
قم واهدني منك هدوو
بنٍ من الدله يفووووح



أحلام :
———-

ياعـل يفـدااااك العٌدو
واللي على جرحك شفوح
قومي انتقهوا في هدو
ياانقى من الفجر الصبوح
غيرك بحبل اتجودوا
وانتي لك بقلبي صروووح

 

[أحلام مؤجلة]

لو يدري الصبح إنك نايم برمشي
‏أقفا بنوره … ولا أزعجك بعيوني
‏.
‏بالله .. خلك هنا بالعين لاتمشي
‏وتصير مثلك مثل غالين خلوني
‏.
‏#احلام_مؤجلة

 

[أحلام مؤجلة]

أنا الأحلام لو تدري وشّ تسوي بنا الاحلام
تذلّ المستحيل اللي عجزنا واااقـع نعيشه

تخلي اللي نبيه يصير رغماً عن جفا الأيام
ترجعنا لطفولتنا .... لماضي حبنا وطيشه

بها نرحل عن الدنيا ... لدنيا مابها آآآثااام
نطير وللسما نرقا نصير آآآخف من ريشه

نحب ومانخاف فراق مانسأل على من لام
نعيش ومانشيل الهم لو يحشد لنا جيشه

أنا الأحلام بـ جيوب "الغني" اللي تهنا ونام
وأنا الأحلام بدموع "الفقير" مدور العيشه

أنا الشعر ومعانيه وصرير الحرف بالأقلام
نزيف الحبر في صدر الورق من طعنة الريشة

أحلام مؤجلة