في البدايه أعتذر بصدق عن أقتحام ذائقة من يمر من هنا بفوضويتي ولكن عزائي بأن القراء هنا يقرأون بقلوبهم
إنتي الغروب .. وانا الشروق
فينا الاصل واحـ (1) ــد صحيح
بس العطا كـلــه فــروق
..
فيني وله .. فيني دله .. فيني اشيـاء
على شكل صرخه طغت قدرت الصـوت
شاعـر واغني للهـوى وفي فمي ماء
غرقان لو حــد السمـا أبني بيـوت
أشعر بصحـوه في بطن حـالة اغماء
حيٍ ولـو كان المـدى ظَـلـم تابوت
وشلــون ياحب سبقـت باءه الحـاء
أعزف لك وصــالي بعد نشّـز النوت
أمــا تجـي والا بجـي لك بإلـغـاء
ماعاد فيني أعشقـك عشـق مبهـوت
في يدي باقــة ورود .. ومـولـدي
وفي يدي الثانيــه صـوت وصـدى
جيت ابي امـوت فيــك وابتـدي ..
ورحـت ميـت منـك مالي مبـتـدا
ياهنـوف ٍ والـغـلا لك سـرمـدي
علمينـي كيــف احبـك لاغــدا ..
الألـم رجـال / والـدرب اجــودي
والوصـل برقـع / والفــرقى ردا
والولـع سكيـن / وطـعـونك يدي
والوجـار القـلب / والليـل الفـدا
والثـريا حـلـم/ والعـلـم الجـدي
والعلـوم طـوال / والشيب المـدى
يا( بثينـه ) ياخطـا ذيـك الـودي
لانـدت ورد ( الجميــل ) ولا ندا
سيـّـدة شعـري والنـزف يعدي
جيتك المجهود /.. جيتيني سُـدى
والشعر مابين عبـدي سيـّـدي
وعـادة السـاده هواهـم سيـدا
علميني كيـف احبـك يابعـدي
واسنديني ياعظيمـة مسنــدا
قبل اتوه من انتظاري واهتـدي
وادري ان ما بانتظاري مهتـدا
فهميني هالبسـاط الاحـمـدي
كيف يجمع صوت بعثره الصدى
هامش
ياورد ياللي لازرعتـه نبت شـوك
ابقلـب الايـه عسى تنبت الـورد
تعبت ادوّر للصبر عـذر محبـوك
ما بان همّالي ف قيـعـانك الجرد
وانا وفي هذا الشنب مابه شكـوك
لو صيفي اثلم ماعجزت انحر البرد
لابوه من حبك على ابوك . لابوك
إلى متى تلعب معي لعبـة النرد
.
آخر المشاركات
11-22-2007, 03:48 PM
قصا / يد بيضاء
العرض الشجري