ديوان الشعر الشعبي

[محمد مهاوش الظفيري]

ميسّر الشمري










[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تأكدي.. ما بالزمن شاعرٍ حي =اموات نكتب بالدجى سيرة اموات
نشعل اصابع ليلنا للمدى ضي= ونبكي على اللي مقبلٍ ما بعد فات
الشي، نفس الشي،صرنا ولا شي=تحطمت وسط الضما شرفة الذات
للظلم اهلنا كانوا القوت والمي= يستحلبون افكارهم تحت الاهات
يرضون باللي زل, وان زل في غي= يرضون بالحلم الهوى يجمع اشتات
ويا انتي دخيلك ما بقى غيرها في =شمسٍ تظلل مدمع الشعر لا جات
ان قلت ابن لعبون تستحضرن مي=وان قلت يا عنتر, غدت عبله اصوات
وتأكدي ما بالزمن شاعرٍ حي=اموات نكتب بالدجى سيرة اموات[/POEM]

 

[محمد مهاوش الظفيري]

فهد دوحان










[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كبرت من غير ما أدري والعمر توّه= هي صورتي ذي أو أحدٍ واقف خلافي
الشيب عشبٍ نبت وسمه قبل نوّه= ولا عاد يمدي المرايا تدفن الخافي
ليت الولد كمّل الدنيا على الدوّه =ينبت عليه الندى والعشب وهو غافي
وإن غمّض عيونه ونام وطفى ضوّه =تلعثم النور فـ نجوم السما الصافي
عذبٍ تشيطن ملاكه وامتلا جوّه = وارتجت الأرض فيه وردّ لأطرافي
ما ظل له حول في جلدي ولا قوّه= ترك لي البير يملا دلوه السافي
يلعنك عمرٍ معك ما تكمل الخوّه= خليتني لليباس وقلت لي كافي
هذا انت وما تقدر تسّويه بي سوّه= انا فتيلٍ وهذا عالمٍ طافي
للريح جلدٍ طرٍّي وكان متشوّه= في دم هاك الصغير اليّن الحافي
العمر ما عاد ينفع ليته ولوّه= وكاد ما هو غطاي ولا هو لحافي
صار العصا .. في جميله راعي مروّه= ياما تسنّد عليه من التعب وافي
كبرت ورد الولد غير وكثر سوّه= بعضه غدا شيب وبعضه كان بي دافي![/POEM]

 

[محمد مهاوش الظفيري]

ريميه









[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا.. ما أنت ذيب وماني الجنيّه=والكون..ما هو مقفر ..وله والي
ماني على اسمي ..لا لويت.. النيه= كبد الخيانه ..طعنها ..يزهالي
هالقلب نمر.. وضحكته ريميه =واليا.. تجهم ..ما يعرف ..الغالي
والملح الأسود ..كم عطته ..ايديه = قدم القصاص بطلقة ..ما تبالي
وأنا ..بدم..حكايتك.. معنيه= كل الليالي ..يشهدن..لوصالي
يوم "الحماد" مخيرٍ.. في غيه =والحزم ..شوري..والنقا ..مدهالي
سجّيت وجه وناحت القمريه= من نزف..روح ..فيضت ..مقيالي
والليل ..فاع ..وضفني في زيه=والنجم .."الأوحد".. كفّنه ..مرسالي
زل السماح وقالت الشبريه=كل الكلام اللي..يدور ..ببالي
والدم الأخضر..حلّني وسميه= من جدب..دمعي وانكسار ظلالي
شدّي.. ركابك واعقدي .. يا بنيه= ذنب الذبيح يحلّه ..الحلاّلي
والمس ضلوعي ..تقل كان .. هنيّه = قلبٍ ..بموته ..هيجنوا.. عذالي
الذيب مات وظلت ..الجنيه =تلعب ..بظلٍ ..في يديه ..حبالي[/POEM]