حمدان روسان

[حمدان روسان]

وش الذي انت سويته
كل قاصيٍ منك ناداني

المشكله الباب صكيته
عن أوّلٍ فيك والثاني

 

[حمدان روسان]

ايتساقط كل مابي واستقل
مركب اللهفة ولعيونك اسير

 

[حمدان روسان]

جيتك بلهفة سالم الزير للثار

جيتك غريب و مغترب عن دياره

جيتك بحلم ٍمغرم بكل الاسفار

يبحث يدور بالزمن عن وقاره

جيتك بفجرٍ في رحى الوقت مادار

مجزل بصبحة منعزل في نهاره

 

[حمدان روسان]

لي يقول القلب وقلبي لي نصوح
الحذر من لهجةٍ فيها فحيح

لاتجيني بلسم وتنقض جروح
لاتجيني عابس بوجة المليح

آآه يامسكٍ على غيري يفوح
آآه يا صوتٍ على سمعي شحيح

اه من صمت ٍعلشانه ابوح
ماعشقته بالخطا وهذا الصحيح

بلغوة اني احبة لايروح
مثل قلبي لايدور يستريح

 

[حمدان روسان]

بطوق البدايه أنقذيني نهاية

ومركب نهاري ابحري به ليالي

اقري مدادي واكتبيني قراية

هاتي وقاري واطلقي لي جلالي

خوذي دروبي واتركي لي مدايه

دونك مداري امنحي لي مجالي

ذري خريفي بعثري لي شتايه

ردي ربيعي نكسي لي اظلالي
رجفة نجومي دثريها بسمايه

ومنجل جنوني احصدي به خيالي

شمعة وفايه اشعليها بعطايه

وبذرة شروقي ازرعيها بزوالي

واخر كلامي اسمعيه بعنايه

خاوي مكاني لو سكنتي بدالي

وانتي امامي ماوصلتي ورايه

وقامة جوابك قاصره عن سؤالي

 

[حمدان روسان]

مااقول انا احبك لو تموت
انا احبك حتى لو ماقلتها

 

[حمدان روسان]

هنادي .. وعمرها ست سنين
سئلتها
تحبيني وش كثر
قالت اكثر .. من مليون احبك وسكتت
وانا سكت
وبعيونها النجلى وجل
آآآه ياهو وجل
اوجست قلبي رجف
وحسيت عمري وقف
وقلت ليش يابابا سكتي
قالت المليون هذا مو عدد
قلت إلّا عدد
وكل عدد له حد .. ياقف به أكيد
قلت أكيد
ورجعت قالت أكيد
قلت أكيد
قالت لي أجل
انا احبك .. لاتنشد وش كثر

 

[حمدان روسان]

تسمحيلي في سما وجهك اطير
حتى لو وشفيه قلتي منهبل

واعتزل في آخر الشوط الأخير
واحتفيبك واتهرّفل واختبل

واغتويبك مثل ليلٍ. يستثير
كل مابي من عذاريب ونبل