بدر عبدالمحسن

[ميــرال]

.

حبيبي والوداع نعاس نجم والجفن صاحي
ــــــــــــــــــــــــــــ واحلام الرماد ولفتة تملي الدروب غياب
امانة لو عشقت في يوم غيري تذكر جراحي
ـــــــــــــــــــــــــــــ ولا تترك حبيبك ما بقى للعاشقين عتاب

 

[ميــرال]

.

كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح .. إني غب

 

[ميــرال]

.

عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00

 

[ميــرال]

.



أنا مدري ..
اللهب حب.. او جوع ..
الحطب قلب .. او السعير .. ضلوع ..
ياترى هااليابس الموجوع ..
وش يقول ؟!
من يسمع الدخان ..
او يدري باسرار الحطب ..

 

[ميــرال]

.

أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد ..
حتى أنا

 

[ميــرال]

.

ودي انزع من اصابعها الخواتم ..
قبل لاسلم عليها ..

 

[ميــرال]

.


هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر

 

[علي المحمد]

خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....