إنسكابة روح

[هجاج الوسوس]

***الى ذلك القلب المتـّقـد
الذي يجلس القرفصاء على قارعة الضلوع الباردة!!
أكاد أسمع نباضاتك..!!

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت..ولقيت..المسك يتكدس..ويكتض الضباب=تتفلسف الفيّه على رمشك..وتسجد لـ..أثمدك
وقفت.وأقبل لك سنا..في ليل نون العين راب=تفرد ضلوعك للحياه..وتفتق أعناق مهدك !
أنا أدري إنك..تدري إني..أدري إن الكل ذاب ؟=أغراب..في مفرق طرق..مهدود حيلي..وجهدك
ماعاد به درب ٍ معه..نرجي يعودون الغياب=تقطعت كل السبل..مابين حلمي..ولحدك !!
ومادام الارض اليا ظمت..ترجي مراويح السحاب=عيون قلبي..من قحط! تخيل برقك ورعدك !
على كثر منهو طلب ودي..ومن ودى وجاب..=لي القدر قبلك..غدوا..من جيت هالخلق بعدك
أحيانا ً الإنسان يتنبّا..ويشعر بـ..إنجذاب=يعني مثل تكفى..وجذبة سم..وأبشر بسعدك ؟
حاله تسمى عند بعض أهل الغرام الإنسكاب=وأنا أسميها إنسكابة روح..فوووق تصعدك
ماتت بلاد الشيطنه..تكتب مراسيل السراب=وأنته على خد السماء منفاك..والغيم بلدك
لو كان تاثق بالإياب..الأرض حنت للذهاب=لاجابت دروب الصدف..قلبك على راحت يدك !!
أحيان..أقول من الذكاء..ما أسألك..من خوف الجواب=وأحيان أقول من الغبا..أشاغلك حتى أجهدك
مدري..بداياتي معك..تعني..نهايات العذاب=والا السعاده موتها..نزعات..لحظة مولدك !
أبطى عويل الريح يصرخ..والحزن بي يستتاب=لا الله هدى حزني..ولا جابك..ولا جاب وعدك !!
أعيش بالدنيا ملك..حتى جيوش الإكتئاب !!=هدت حصوني..وأسرفت في قتل أمالي بسندك
ورغم النوى..وسياج حاجز..سد منع الإقتراب=جيت أرتمي عقب البطا..ثلج وبرد..في موقدك!!
لو أستخرت من السفر..اليا نعق رجس الغراب=ما أعشوشبت جردك..ولا طير المحبه غردك
أحتاج لك..حاجة دعاء المظطر بأنه يستجاب=فقير وصلك..وأتعفف من شموخي لا أشحدك
تعبت أدور لي وطن..وقلوب الأغراب..إغتراب=وأنته أحق من الغريب..ف..بعض روحك وجسدك
أن جابك الله عضتني..عن كل من قفى وغاب=وإن رحت..من يسألك عن دمي..ومنهو ينشدك ؟
الدم دمك..والخطأ منك..على بعضك صواب=لا أحرمني الله..حد نصلك..عقب سنّة مبردك !
يا أطيب مالذااا بكل هـالدنيا..ويا أشهى ماطاب=يا أحلى من الملح إن تدرج من عاديك..لـ..أجودك
يا أصدق حنين..من المشيب..لرجعة أيام الشباب=اليا أشتعل شيب النوايا البيض..في ظن أسودك
يا أسماااء من العفو عند المقدره..وألطف عتاب=من الخجل..على ملامح وجنتيك..إن وردك
يا أبسط..من شرود الذهن..لحظة تأمل وإرتقاب=وأصعب..من مجرد تخيّل..دمع عينك..ونكدك
بيّت لك يا أأأطهر ذنوبي..نوايا الإرتكاب=والشمس..يا محراب مغربها..لاحنّت تسجدك
والعمر رحلة روح..مابين الترايب..والتراب=يزرعك..في بور الأماني..والليالي تحصدك[/POEM]