يابيه ..هل بالــ ..بهاء ..بيه

[فهد الغبين]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يافلوة ..تهوى قليبي ..تشقيه=وشهو ذبحني ..غير لعبك فلاوي
ما ابيه ..صاح القلب .. تقول ماابيه...!=واللي خلق هذا القلم ..ما أنت قاوي
هذا اللي ..لامنه لعبك تغليه=خلاك تنسى ..في غلاه البلاوي
وهذا اللي ..لامنه بداك بتجافيه=علمك ..كيف الحب ملعون ثاوي
وهذا اللي سكن في حروفك معانيه=حتى غديت بكل مابه ..عناوي
وهذا اللي سوى ..وسط صدرك.. سواريه=وهذا هو اللي فيه ..تكتب غناوي
مجنون أنت تقولها ..فيه ..افييه=افيه ..كيف بنطقها ..كنت ناوي
يابيه ..لو ما بيه ..ما قلت انا ..ليه=يابيه قلي ليه ..صدري ..حماوي
هذا اللي صوته ..لو ما ناداني اوحيه=هذا اللي صوته له بقلبي صداوي
لبيه ..ياللي ..كل ما قلتي ..لبيه=أشعر ..ب أني غير ..ملك سماوي
كني ملك ..والناس ..تركض حواليه=ومن طيبته ..لامد ..مد ..بتساوي
يكفيه ..هذا ..البيه ..مافيه ..يكفيه=يكفيه هذا البيه ..بيه ٍ ..غلاوي
يابيه ..هل يابيه ..في هالبهاء ..بيه=وان كان به يابيه ..بيهه ..مهاوي
اللي تكفن قلبي ..وثم تحييه=واللي عليها القلب ..نبضه ..رجاوي
تشدني ..للتيه ..واتيه ..بالتيه=ويته خلفي ناس ..من كل هاوي
لو كل مايطري علينا ..نسويه=ماكان ذب الرجم ..مثلي خلاوي
اليا طرالي طيفك ..وجيت اناديه=ناديت ..صوتك اااااه بحساس ذاوي
على اللي أول يوم هالشهر ..احاكيه=ومن بعد هذا اليوم ..علمه خفاوي
يتعذر إتصال رقمه ..ولا اوحيه=ويتك صدر ..تك ..من تك ..خاوي
اللي ثلاث سنين والحزن يطويه=طي الرشا ..لاطويت بيد طاوي
سافر ..وخلاني ..اسامر ..حراويه=واعد تكات الثواني ..حراوي
لا داري ٍ عني ..ولاني ..بداريه=ومالي بعد فرقاه ..غير المناوي
ياليتني ..طيف ..وامر امسك يديه=واقول ..هذا الموت ..ماله ..مداوي
ثم اتبسم ..طيف ..واتقول ..تجفيه=ويرد طيفي عجل ..ماني جفاوي
اللي يسليني ..اليا جاء ..واسليه=اللي اليا من ضاق ..جيته حكاوي
واقول له ..قد كان ماكان ..وارويه=قصه فهد ..من حب حبه ..مهاوي
اللي خفوقه ..كم له أعوام ..تلويه=لين اصبح من ال لي ..يا/لي ..لاوي
الين يصفق ..راحه يديه ..بيديه=ويشعر ..بما أشعر ..بنورٍ سناوي
اللي تقول أحيه ..من برد ..احيه=والبرد قال أحيه ..منها ..حياوي
كن الحروف ..بفمها ..ثامله فيه=وقامت ترنح فيه ..مع الخطاوي
تعمدن ..يتعثرن ..في شفا/تيه=وتقطرن بشفاه ..تقطر ..حلاوي
ماكنه الا الباتشي ,,في تفانيه=ساعة يذوب ..بفمها يقول واوي
أويه ..لو تدرون ..وش خلف اويه=ماكان قلتوا ..ليش هالجسم ذاوي
من سبة اللي اااه وش قول مغليه=الا ..اموت ..بكل ما به ..هناوي
لو القبر ..من بعد شوفه ..ابجيه=ولو تكثر الاصوات ..دونه عزاوي
يابيه ..من مافيه ..ما فيه ..مافيه=غطت على كل البنات الرهاوي
يابيه ..قلبي كل ما جات ..تكويه=حسيت في نار غلت قلب كاوي
يابيه ..لو ما ابيه ..هل غيرها ..بيه=وهل بالبهاء بيه ٍ ..يقارن مهاوي
يابيه ..قل للبيه ..بيه البها اشفيه=خلى فهد يعيش عقبه شقاوي[/poem]