لا تهيضني ..!

[أحمد التيمان]

السلام عليكم ورحمة الله وبركاته ..

أحبائي - آل أبعاد - الكرام ، أسعد الله أوقاتكم ..

أضعها بين أعينكم علها تنال شيئاً من استحسانكم ...

ـــــــــــــــــــــ
- لا تهيضني -

لا تهيضني ؛ ترى دمعي قريّب
خلني ساكت .. بلاش أحكي مواجع

كانوا اهنيا .. وكان الحال طيّب
لين ما جانا الفراق .. وكان فاجع !

ما توقعنا الزمن هذا يغيّب
لكن جروح الزمن تبطي وتاجع

غابوا احبابي وانا وضعي يشيّب
ضايقٍ صدري ولا قادر أراجع

وليلة البارح .. لفوني يا "غريّب"
وصحّت اصوات الغلا كل المهاجع

قالوا : " الفرقى عمر ، والوقت ريّب
والله ليبقى الغلا فينا مراجع "

ورجعوا نحو الغياب اللي يهيّب
وعافت عيوني ديابيج ومضاجع

عقبهم .. ما صاب صحرا القلب صيب
من ورا غصون الضلوع القلب ساجع

غاب غاليّي .. ولا عاده قريّب
ولو تجيبون القمر ما هوب راجع

قلت لك : "دمعي قريّب يا غريّب"
لا تهيّضني .. بلاش أحكي مواجع !