هات لي قصيدة وعلاقتك الـ شعريّة معها

[عبدالعزيز رشيد]

لـ:[ناصر السميّح]
علاقتي بالقصيدة وش أكثر من كونها مهداة لي ولتخرّجي ؟ ولو كانت تتفخ الراس (":

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل يومٍ يمــرّ من الزمـــــــــــــن له صباح =وأجمــــــــــــــل ايامنا اللي فيه صبحٍ جديد
كم صباحٍ قعد معنا وكم صبـــــــــح راح=لين قبـــــــــــل أمس ما هلّ الصباح السعيد
منتظر من شـــــروق الشمس حتى الرواح=و أمس حسيت في هالصبــــــح ما هو بعيد
وهلّ عبدالعزيز اليوم نــــور وســــــــلاح =عزوة أهله من أكبــــــرهم الى أصغر وليد
قايد القـوم في عـــــــــجّ الرمك والرماح=كم تشابه جيــــــــاد وله جـــــــــــوادٍ وحيد
من خلق ما تعثّر يــــوم . . ما قيـــــل طاح=يطلب الموت صــــــــــــار الموت فيه الزهيد
مجده من أول (الأول) الى اخــــــــر نجاح=ما نقص عـــــــــــدّ عزمه كل يــــــــومٍ يزيد
أمن إن الحيـــــــــــــاة اللي دخلها كفاح=معركـــه مــن تساهلها خســـــــــــر ما يفيد
راسيٍ ما يميــــــــل ولا يجيـــــــه انزياح=خـــــــــذ من طويق قانــــــون الثبات العنيد
طبعه الجــــــدّ والا الربـــع غيـــــره مزاح=ما تعودت منه إلا الأكيـــــــــــد الأكيـــــــــد
يسّـــــــر الله له دروب السنـــــع والفلاح =جت على ما يريـــــــد وجت على ما نريـــــد
الشرف وصــــل كتفـــه من تعب واستراح=كم رقــــــى لين طــاول كتف حــــــــرٍّ فريد
من سنـــــــا نجمتــــــه برق التباشير لاح=وين ما هـــــــــــــلّ وبله ينــــــزلون الشديد
إيه..ذا اليوم في صدري سعــه وإنشراح=في صباحـــــــــــه إمطاوعني عنيد القصيد
فرحتي فيه تغريــــد وغصـــــون وجناح=أمس كان انتظـــــــــار العيـــــد واليوم عيد
.[/poem]

 

[عبدالعزيز رشيد]

لـ:[منصور بن سعدي الرمالي]
من أوائل الشعراء الذين اعجبت بهم وأكثر ماأعجبني أنّه كان بعيدا عن النشر ولطالما كان البعيدين عن النشر أكثر وفاءً لما يكتبون فكنت أراهم كما هُم يرونه مناسبا وهذه القصيدة باسم (نوف) والشاعر متوفّي على ماعتقد _الله يرحمه_

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالي جرحت القلب بيديك وأنا اشوف=حرام ليش قلبك مابه مرافه
أرحم جريح ٍ طاح وبحالته روف=الي حياته لأجل فرقاك عافه
تركتني في ظلمة الخوف مكسوف=ألبستني ثوب الشقاء والكسافه
يابو جديل فوق الامتان منسوف=يالحق على روس "...." * ضفافه
وعيون سود وخد ونهود وردوف=وليا أبتسم تجذب عيونه رهافه
والورك والفخذين والساق ملفوف=والوجه ناعم ما أشتكي من جفافه
أدعج غنج بالملح وزين موصوف=من ينهبه يملك عذر لختطافه
في حب ذاك الزين مغرم ومشغوف=إللي جمع بين الجمال وعفافه
وأوجد حالي من وجد جيب مكتوف=وحطوه في سجنه وشدو كتافه
ومن جيب للتحقيق بادوه بكفوف=وسجل في تقرير السجون اعترافه
عليك يالي لك الدمع مذروف=دمعي على فرقاك زاد أنذرافه
وأنا على لقياك يانوف ملهوف=والقلب هم الود والبعد لافه
بالقلب من فرقاك هاجس ولافوف=يزود مع زايد جفاك إرتجافه
يانوف بسمك صرت ألبي وأنا طوف=وكلن يلبي للولي في طوافه
هم يرتجون الله وأنا ارجيك يا نوف=أرجيك أنا رغم ابتعاد المسافه
أرجيك رجو الي مع الموج مجروف=والموج حطم مركبه بإنجرافه


.[/poem]

* كما قلت لكم كانوا يكتبون بعيدا عن التفكير بالنشر (":

 

[عبدالعزيز رشيد]

لـ:[مساعد الرشيدي]
كنت أجدها عاديّة ولاتليق به لكن بعد العودة إليها مرارا وتكرارا أدركت حجم الخطأ الذي وقعت فيه لأنّ النصّ كان عميقا بشكلٍ لايُفهم لأوّل وهلة

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البال ممـــــــحل ونس والعين تغميضها=نوب ايتـــــــــــهيا ونوب مي تهيالها
واعـــــــيني الي الياغفيت لواحيضها=لــــــــــــولا المشاريه ماقلنا هنيالها
اجــــــبر عزاها قبل تفرح مباغيضها=والــــناس ماخلت المقفين في حالها
مابين فـــتل الطروق وبين تنقيضها=علــمن يخج الضلوع ويضهر اقبالها
لو عقل الخبت نوده وانفهق قيضها=خــــطرن تثور اهموم القلب بعقالها
ماعاد به مايــــشد النفس ويهيضها=والــــنفس صلفه وتاركها على فالها
يومن نفسي عسيف اوكدت ترويضها=والـــيوم كن العسيف اتهوز خيالها
دنياغــدت سودها عندي مثل بيضها=تشابهه لعـــــــنبوها ماعرفنالها
من يوم لاحه وبانت لي عـــواريضها=وزرا ثقـــيل المتون الهلف يشتالها
بحــماك يامسرع الفزعات ومريضها=عـــن ساعتن ميلها يرجح ابمعدالها
اخاف بكرى الياحــــميت مراكيضها=من طيــحه البشت والبسام وعقالها



.[/poem]

 

[عبدالعزيز رشيد]

لـ:[متعب التركي]
بإمكان الشعر أن ينتشل نفسه من جمود التقليديّة بواسطة الصور المتجدّدة والمعاني الحيّة والتي تبقى بعد ولادة قراءتها ولاتموت بعد نسيانها فنتذكّرها لاحقا

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مفتوح باب الرجى لو هب مليون ريح= والريح ماتاخذ الغرسه من عروقها
القوس مكسور والرامي يقوم ويطيح= والسهم منعاج والايام خازوقها
لو لبسو ساقط الهرجه ثياب المديح = قلنا سحابة وبلة يابس حلوقها
ياحادي الركب لا توده عليه وتصيح = ماعاد هي سالفة ليلى ومعشوقها
مديت شوفي وشفت الكون رحب وفسيح = والارض حدر المواطي والسماء فوقها
مادام عين الرضا ماها هماج وشحيح = ابتبع الغيمة اللي رفة بروقها
مدري عن المقبلة لكن عسى الله يبيح =اللي تهز القلوب وهزني شوقها
غنيت للحب ولسان المحبة فصيح = والبدو سبة غناها ضيقة خلوقها
باكر يروح الشتاء والثلج قصره يسيح = مايفضح الثلج غير الشمس وشروقها





.[/poem]

 

[ميــرال]

انا دهشتي بهذا المقطع للبدر تعدت الطبيعيه


وفـ عز الليل لو بنتي يطير الصبح ..
من كف الربى عصفور ..



ياالله

 

[فرج صباح]

الرائـــــــــــع : عبد االعزيز رشيد

شكرا لكل هذا الجمال \ الخيال

غابه من الشعر هنا

شكرا لكل الاخوه والاخوات الذين اشرقوا هنا

تقبل الود

 

[ميــرال]

فيصل اليامي ابدع بحكاية / عيال حارتنا
من كثر احساسي بعمق وبساطة النص ابكاني وبالوقت نفسه تمنيت ان القصيده لي

رائع هذا الشاعر





ياليت ان الزمن يرجع ورى ولا الليالي تدور
ـــــــــــ ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
ــــــــــــ نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ــــــــــــــــ ياليته بس لو رجع ونسترجع طفولتنا

صغار قلوبنا بيضا..نعيش بعالمٍ محصور
ـــــــــــ ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
ـــــــــــ نخطط نكسر اللعبه.. وتسعدنا شقاوتنا

نروح المدرسه بدري ..ونضحك داخل الطابور
ــــــــــــ نحاول نزعج العالم في روحتنا وجيتنا

وعشان نأخر الحصه.. نخبي علبة الطبشور
ــــــــــــــ نشاغب بس فالآخر.. تميزنا برائتنا

نحب الضحك والهيصه.. نحب انط فوق السور
ـــــــــ نفرفش.. ليه مانفرفش مدام الضحك عادتنا

ولكن دارت الأيام.. وبان الخافي المستور
ـــــــــــــ وصار الهم متعلي على قمة وسعادتنا

كبرناوصارت الدنيا تصف أحزاننا بالدور
ـــــــ وتهدينا الألم والهم غصب عن عين رغبتنا

تعبنا من بلاوينا ..أحد ضايق وأحد مقهور
ـــــــــــــوكلٍ غارق بهمه.. وفالآخر تشتتنا

وانا ما أقول غير الا وحلالاه الزمان يدور
ـــــــ ويرجع للورى فتره.. نعّدل وضع عيشتنا

 

[ميــرال]

هذا النص من النصوص اللي احفظها واحتفظ فيها طبعاً صالح الشادي من يجهله



والله ، وتمدّنا ..
وصرنا مانعَـْرف الشاي ..
إلا بثلج !! .

وكن الشاي مزروع بشوارعنا ..
وكن الناس تمشي في شوارعنا ..مع الإترنج .

يابنت كوني واقعية ..
بي صداع ، يحتاج يتبلسم على جالك ..
ولكن ..
مو بهذا البنج .. !

الغنج ساعة وينطفي
وانا اشتهي عمر يشعلل بي رجاف السرج !

زمااااا ن عدّت من هنا.. مراكب الإغريق
وعدّا من هنا ركب المُثنى..
وعدّوا بيض..
عدوا زنج.

العصر ( أذن ) ..
والغروب يلوّح بكفه تعال..
واحتال ..
أضحك على نفسي وأطمنها وأنا أرتج .


ماعاد في نفسي ظما
إلا لبوابة سما ،
أطقها.. وآهج .

النخل إلى منه كبر..
ينسى مواعيد المطر..
والبلبلة والعج !

روحي بتاريخ السحاب..
الله معك..
أنا ب أروح الحج.

(*)

ياغبية..
كل هالأيام مرت..
وانتي انتي..
تزرعين الثلج في جمري..
– بزعمك بانطفي - !

لا واللطيف اللي لطف
ماكان زرع اللي زرعتي..
كان هم ، وضاع فيني..
دوريه..
وإن لقيتيه اقطفي.

إحلمي ..
لكن وش آخر هالتماهي بالهروب..
أتحضّنك..
لكن أحس إنك معي ..
وإني معك.. بس مختفي ؟!

غلطان من يحكم على التغريد..
ماكل تنهيد يلجلج في الحنايا-
محتفي .

يا حالمة..
ماكل من يسكت حليم ..
ولا كل من زارك وفي.

(*)

وش رايك تشقي القناع..
وتمسحي لطخ الدهان
وتنزلي من فوق هالمسرح دقيقة ؟

وش رايك تكوني شعاع
ينبعث لآخر خيال بعتمتي مرة..
أو تكوني حقيقة ؟



مايفرّق هالنسا عن بعضهن..
غير إنهن يتشابهن في كل شي-
الا الطريقة ! .

الصخب والعدل الأعمى..
والمدينة والضجر..
نار وحريقة.

مانبي غصن يبس
مانبي وجه عبس
ولا نبي أصلا .. حريقة

إقربي أكثر من أول
طفلك المجنون الأول
جد شيٍ في طريقة.

بس لين الحين والله ..
في ظمااااااه
طايح ولا ابتل ريقه
..........
بللي ريقه .