.
.
قل : للشتاء لا يأمن البرد جمري
أنا أنتظرت البرد ( شعر و نسانيس )
شاعر وأغازل بأجمل الشعر طهري
و يطيح من عيني غزل أمرؤ القيس
ياما كتمت ال( آه ) في وسط صدري
لين امتلت روحي مشاعر و أحاسيس
أنا الوحيد اللي على حد خبري
ماني مكرر فالكتب و القواميس
على مدى علمي تعمدت ما أدري ؟
ما أعلم الجاهل ولا أحتاج تدريس
مخلوق بين النور و النار عمري
كني مسافه بين جبريل و إبليس !!
بالله مستغني ,, و لله فقري
والناس تتنافس تبي عرش بلقيس
و أعداء ربي لا غزو غرو فكري
يوضح لي أكثر فرق الأنسان والتيس
أصلأ أحس العصر ماهو بعصري
وين؟الطمانينه بعصر الوساويس
بالجنه أحلم كنت من يوم صغري
لكن كبرت و صادفتني كوابيس !!
يعني أنا ما بين مدي و جزري
أشبه مسلسل دار خلف الكواليس
الصبح يسالني متى الليل يسري ؟
مليت أصبرني ب/ضي الفوانيس
رحآل أنا و الوقت لو كان يغري
ما كان غنى للسفر حادي العيس
تتوعد الدنيا حياتي بــ/ قبري
وأخاف نتفارق و أنا أحتاج تأسيس ؟
فإذا البحر كسر مجاديف صبري
أنا أصدق دموعي لربي محابيس
.
.
( 
) للعابرين
آخر المشاركات
01-14-2011, 04:17 PM
هذا الشتاء دافي .. !!
العرض الشجري