لــكــِ ,,, ــــ << جديد >>

[صالح اللذيذ]

لقلبك


تبين الشمس .. مير الشمس تعمي نظرة المشتاق

وتبينين ... ويزيد الشوف ليــن اضمك بعيني

وأدفي صورتك بين الجفــون ولهفة الاحــداق

وتصبح لي مســافة شوق وأرسم بك عنـاويني

سكنتيني يتيمـه ,, والهـوى لك من حنيني راق

ومن راق الهوى تدرين بعدك وش حصل فيني؟؟

سكر كلي !! وكلي من شربتك هـايمٍ مافــاق

اســـافر مع طــيـوفك علها لـوّلك تدنيني

يا أحلى من محـاصيل النحل لاصـافح الارياق

تعـالي .. علمي كيف الغيوم تصــافح ايديني

تعـالي .. بعثري صمت الكلام بطلّة المشـراق

ولو كنتي سحـابة صيف منك الصيف يرويني

كرهت اهل السهر دونك وانا دونك اسير اعماق

تكرر هالسـؤال اللي يجـيب اسمك وينهيـني

وصحيت القلم لجلك وكوب الشــاي والاوراق

ابرسـم من حـروفي وردةٍ تحيي بسـاتـيني

رسمتك والسماء تمطر غلا مير القمر ما لاق

اخـاف اكررك فـوق الورق يا أجمل سنيني

عجزت اكتب لك احساس تعدى فلسـفة اذواق

اباصف ربع حسنك ! صار ربع الربع يلهيني

خلاصة هالكلام \ ان الدماء تنصف نعيم الساق

تخوضيـن الفـواد اللي يضخك في شرايـني



,,,,,,,,,,,,