سوالف عرب على جال (نقدهم) *

[صالح العرجان]

المعارضة بالقصيد ما تدخل [ باب الشبه ] بل هي وجهة نظر توضيحية لـ ما قد غفل عنه شاعر القصيده في أبياته

يقول
فرج بن خربوش الشمري


يامونسه عيا العريفي وابن عيـد
يبون سلـم غايـب عـن يدينـا

وحنا على الله ناخذ الدين ونزيـد
ونعم بـرب وان عليـه ارتكينـا

مرن نعشي ضيفنا من جلى الصيد
ومرن تمـر اللازمـه ماقوينـا

وتر ضيفنا مانتعبـه بالتناشيـد
ولاننشده ياكـود ينشـد حدينـا

شيمة عرب مانردد الهرج ترديد
حنا نعرف الهرج لـو ماحكينـا



البيت المضلل باللون الأحمر وجد معارضة من عدة شعراء وكان لهم رأي مخالف
منهم
نغيمش بن صنيتان الشمري


اللوم مايشنى العريفي وابن عيد
والسلـم دوم لايذعّـن يديـنـا

كل التجار تربت الجدي وتزيـد
والطاق مطبوق تحطـه علينـا

مرن نعشي ضيفنا من نمى الغيد
ومرن نكب الموجبه عاجزينـا

وحنا نعلل ضيفنـا بالتناشيـد
لاشك يستانس ان سيـر علينـا

الضيف مايطنيه كثر التناشيـد
يطنيه كان ان المعـزب تطينـا



ايضاً
سند الخمشي العنزي


يامونسه عيا المزيني وابو زيد
وعلى الغلايب مثلكم صابرينا

الضيف مايطنيه كثر التناشيد
يغث باله صمتنـا ماحكينـا

ان كان قلنا مرحبا فيك ونزيد
انساح باله ثم سولـف علينـا

وان كان مجلسنا سجوم ملابيد
عن المراجل كل ابوهن غدينا



وسلامتكم