ــــــــــــــــــــــ .... آهـ .... ــــــــــــــــــــــــ

[ثاني الدهمشي]

بدون اي مقدمة ..!!


:
:


آهـ من قل القصـيد وكثرة آلامي
.............................والله ان ما بـ القصـيد لعدّها قدره
يا حسافه مات مغـبون اكبر احلامي
.............................ووالله اني ما ألومه..ضاق بي صدره
لا نويت اكتب قصيده جـفّت اقلامي
.............................ولا بغيت اسهر بـ ليلي يختفي بدره
وحـظي اللي لا نخـيته طاح قدامي
.............................وان وقف لي..أدري انه ناويٍ غدره
والغـرام اللي بنـيته بأوّل أيـامي
.............................دمّ قلــبي في سبيله ما نفع هدره
صرت في صحراه وحدي تايهٍ ظامي
.............................ما وصلته والدليل ان اطـولي حدره
الهوى والعشق والاحساس والهامي
.............................من عرفت وجيههم ووجيههم ودره
والحزن وثـّق وجوده عضّة ابهامي
.............................والفرح من صغر سنّي صابته ندره
والعزا..في ان ذا تكـفير لـ آثامي
.............................لو بدت نفـسي من الآلام متكـدره

:

وسلامتكم..