...{ ضَريبة حَظَّ ..!

[عطش]

’*






أنا محتاج أخذني ضريبة حظ ..يوم القاه
... أبكتب ما بقى مني .. ابشطب سطري الباقي

أنا محتاجِ أتجاوز أماني أمس لين أنساه
...وتبدا بي دروب اليوم .. خطوة ترغب سْباقي

تعال وشوف " عنوان الكتاب " اللي تبي تقراه
...تعَرْف المستحيل اللي تضمّن داخل أوراقي

تعال وشوف ياحلمي لحن صوتك وانا اتهجاه
... تصوّر ضحكتك وإلمس صداها داخل اعماقي

تخيلني وانا واقف لجل وصفك مثل من تاه
... تخيّل يوم تدعيني بصوتك رحلة آفاقي

تحايلت أبجدياتي وانا قلبي على مبداه
... أدوزن حرفي النازف واغني هات ياساقي

تعال واسقِنْي واشرب على الأطلال قبل الآه
... بـَنادِم قلبك المرهف قبل تحرقني اشواقي

أعيش بذكريات الأمس عمري ماقدرت اجفاه
... تعبت أتامله وانقش على الميهاف ميثاقي

تعبت أرسم على رمل البحر قلبيّ و ارد أمحاه
... أخاف الموج لايسرق بقايا قلبيّ الشاقي

انا ماشدني منهو" يدوس " الغي في ممشاه
... وانا بنت الحصان إلى صهيله يطرب الهاقي

بعيده نظرتي ..حرفي قليل اللى لمح فحواه
...وحلمي يحفظه جفني .. ورمشي داخل احداقيّ

أببحر بي على متن " الأمل " وأرسي على مرساه
... وأغرق بيّ .. ويغرق كل من يرغب بـ إغراقي ..!