ابتعد أكثر ..

[مشاعل الدوسري]

.









وتبتعد أكثر ؟!

أنا روحي غريبة ... والهموم أسفار
أدورني ولا ألقى في بعدك شي يتفسر ..
حزينة وخطوتي ذابت
بدونك
والوفا تذكار

رصيفي .. والبداية أمس ..
ولا لي بالطريق أكثر
وتعلمني حكاياتي القديمة من همومي درس

على طاري غيابك وانتظاري ..
شوف داري :
وهيْ تداري دمعتي ؛ والباب يتسكر

وتبتعد أكثر ؟؟!

ابتعد أكثر
انا لولا بعادك
ما أهاب الغياب؛
ودمعتي تذكر !

وأبيك تْعرفْ :
ما تغيّر غيبتك رقّة نهاري ..
لو دموعي ذِرف .. !


ابتعد أكثر .. !!!!


.

.


.