بـــصــــــمــــــة..!!

[نهار بن ممدوح]

الانقيــــــــــــــــــاء
في أبعاد أدبيه
السلام عليكم ورحمة الله وبركاته..
تشرفت بالإنظمام الى منتداكم الشامخ
وهذه مصافحتي الاولى لقلوبكم ..

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهاجسي قد كتبت الشعر والقاف=وماحد ٍ فهمني وفي شعري قراني
ويوم اكتب الشعر لي غايات واهداف=ماهي تجارب وياعلّ وعساني
ولاهو على شان ينشر ثم ينشاف=أكتب معاناة نفسي يوم أعاني
يوم ألتفت والليالي سود وعجاف=واقرا تفاصيل عمري بالثواني
أقول راحت عليّه والعمر طاف=والوقت في صفحة كتابه طواني
الى متى والمسافه ظلم واجحاف=مدري من الناس والاّ من زماني
وكيف اطلب اللي جهلني بعض الإنصاف=وهو ماعرف كيف يقراني معاني
الشعر احبه واعشقه حيل واخاف=عليه لايهتدي درب الهواني
أبي حضوره يجي بإحساس شفاف=وابيه الاول ولاارضى شي ثاني
مادامي اتنفّسه مافيني خلاف=ماهمني كل من راح ونساني
الناس من بينها عادات واعراف=وبيني وبينه اليا احتجته لقاني
أغيب لاشفت ماقدمت ماضاف=ولاحضورٍ ينزّل من مكاني
وأجي اليا شفت ليّه فيه ميقاف= واليا تغنيت به جبت السماني
أتعب ليا من لافاني حد الإسراف=وليا كتبني قصيدي ماعصاني
وان ماتباهيت به في كل مشراف=ماهوب شعري ولابصمة بناني
وان ماتحوّل كلام اعداي لهتاف=أحسن لي أسكت ولا اتعّب لساني[/poem]

شعر/ نهار بن ممدوح

 

[عبدالعزيز سحل]

نهار ممدوح

مرحبا بك في ابعاد الابداع

نص اكثر من رائع واعتزاز جميل بهذه الشاعريه

مودتي

 

[نواف العطا]

نهار ممدوح
أهلاً وسهلاً بك بين أخوتك في أبعاد
لك كل الحق باعتزازك ودمت بود

 

[ماجد العيد]

أهلاً بك يا نواف و بما حملته من نور

و نشدد على يدك و شعرك كثيراً

و الإنتظار لك أكثر ..

سلمت

 

[جُمان]

نَهار بن ممدوح
وبَصمَةٌ أولى تُثبِتُ هَويَّةَ الشِّعرِ فيك
أهلاً بِك في أبعَادنا
ومرحباً ماطرة

.
.

 

[عيد جريس]

الشاعر المبدع نهار بن ممدوح

صح لسانك .. واحساسك

نعتز بك وبشاعريتك وبتواجدك في أبعاد

أهلا بك .. ودمت مبدعا

 

[نهار بن ممدوح]

القدير نومان سحل
شرفتني في مرورك
الغالي والعالي
الف الف شكر
ودي وتقديري

 

[نهار بن ممدوح]

الاخ نواف العطا
اسعدني مرورك المشرق
الف الف شكر
ودي وتقديري