قلب وليــالي

[عبدالله الحميدي]

[poem="font="simplified arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]الليلة الارض/ غيمة , والسما/ فرقا= مبن ايْتجمّل على شاني ويضحكني
دموعها لونها/احمر.. مهي زرقا=متأكد وشفتها... لاحد يشككني
اليا بكت بنت.. ناحت داخلي ورقا=اشتقت لدموع بنتٍ بعدها اربكني
الله على ضحكها اللي للطهر / يرقا=والله على دمعها النازل/وتتركني
غنيت ماقلت: من رايح؟ ومن يبقى؟= ساكن بصمتي ..ولاحاجه تحركني
تبي لها ضحكتين,ودمعه وفرقا= باقفايتي.. بس ابي لي شي يضحكني[/poem]

 

[عبدالله الحميدي]

[poem="font="simplified arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]رايح .. ولكن بعد ما تنتهي الحيره=اليوم فيني قصيده..مابي اكتبها
واذا طلعت غصب عني..جعلها خيره=بشققق اوراقها..وانسى اني صاحبها
من بين الاجفان..للنيران ..تجميره=والليل الاحمر..كسى العين وحواجبها
واااا =واااا
واا ..وجهي الاسمر..اللي مل تصبيره=وتسري سواريه لاملّ, وتغايبها[/poem]

 

[عبدالله الحميدي]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كيـــف اضـرك؟!.. / _طيب من البدايه .. ليه جيت؟ = - جيت ودي المح بــ:حبك/انسانيّتي
-كــف شـــــرّك ؟!../ - نيّتي باقيه..لو:انتهيت =و لو نسيتك..انتي والحب..مانسى:نيّتي
-شوفـــ...عمــــرك../ -عمري قبلك كأني ماحييت = كم سقيت وسادتي من تعب نفسيّتي
ياجفوله , عارفه , تايهه.. وآنا إنثنيت = من متى قلبك ماهو فاهمٍ شخصيتي؟
صح غامض !! / بس:واضح معك..حتى اهتديت = كل ليلة ..لك ../ وانا ماني فاهم جيّتي
تساليني بعد ماجيتك..اشتقت؟ ..او..سليت؟ = والوساده/طيف,والشوق/بطانيتي
وانتي حولي.. كم وهم يشتعل..كلما انطفيت = وانكوي لك..وانتشيياحلاوة كيّتي)
اعشقيني وإن تضايقتي..آنا مانسيت = اني بانسانيّتي... مقدر انسى نيّتي[/poem]

 

[عبدالله الحميدي]

[poem="font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]يبست من الحنين اللي ملى عيوني .. وعزّ البوح=وكوى فراقك صباحٍ مرّ / لو لي حيله أخّرته
ابي ليْ صدرْ .. حتى اعيوبي يتقيهنْ/مهو مفتوح=ومايشكيني واعرف انه صغير..آنا تكابرته
يحبّ الشين قبل الزين فيّ, ويلتحفني روح=ومايفتشني بهرجه لـ/ندماه..إن كان كدّرته
واصير/اصدق من الدمعه معه لا انحدرت من النوح=وعليه الطف من احساسه..ويحيا بما تخيرته[/poem]

 

[عبدالله الحميدي]

[poem="font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]ياقلّ باسك..ويااضعفك.. يابنْ آدم=ترجي من الناس..والارزاق عند الله
وتقول: انا الباني,وغيري هو الهادم=تفطن لغيرك.. وعيبك مانت فاطن لّه
إذا غرورك..يصير لنفسك /منادم=تأكد / إن كلّ مايقدّيك له زلّه
وتتيه الاريا معك, واتتوه , واتصادم=وياويل عقلك منك.. تاه بكثر قلّه
تصير شيخٍ .. غدا لمن يخدمه / خادم= من جور كبره .. بدا من شيخته ذلّه
وشّوله اتكيد؟ .. واتدبّر؟ يابنْ آدم=مافي يد الناس شيْ.. الرزق عند الله[/poem]

 

[عبدالله الحميدي]

[poem="font="simplified arabic,4,green,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]وسّعت وجه الكلام .. وضاقت ثيابي = وطيّرت مع مشيتي همّي مع زنودي
في مشيتي حزن امير , وطيبة اعرابي = لاصار مافي يديّ اقلّ من جودي
والليل / حبر , ورصيف الشارع / كتابي = وسنّ القلم / كعب رجلي , والشتا / حدودي
وكن ظلّي ايقول ليّ : اهبّ ياالهابي = بردان انا .. وانت تلبس مشلحٍ عودي ![/poem]

 

[عبدالله الحميدي]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حتّى ولوْ ماوحشتـكْ صاحبـي .. عـادي=آنا اتعذّر لنفسـيْ عنـك .. مـن طيبـي
ماهو مهمْ.. من يكون اوّل مـن ينـادي؟=نـداي ياغايـب اقتـل فـيـه تغييبي[/poem]