نوافذ الريح !

[محمد السالم]

[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]


صوت الهوى فالنوفذ ؛ يا (حمد) مقلق = وانا لك الله على أدنى شي يقلقني
لو الهدو مسحتي ؛ تلقى العميق أزرق = رغم يباسي ونشف الريق مغرقني
مخلوقة (ضيقتي) من قبل لا أُخلق = من جيت وجه البسيطة ما تفارقني
(حمد) لك الله لوّ إنّك تلمس الأعمق = عرفت ريح النوافذ كيف تطرقني
لا هبّت الريح لوّح ثوبها الأخلق = في داخلي لين بين الناس يسرقني
أركض مع الريح رغم أنّي هنا مطرق = إحساسي اقدام وامالي تورقني
أكبر من الوهم وادنى من فضا المنطق = شعوري اللي على يأسي معلقني
كذا زماني عليّ بالضيق متعملق = من قبل اردّه شعوري كان ينطقني
في أيّ نفسِ حزينة كنت أنا الأوثق = بأحساسها الملتهب جذواه تحرقني
لا شفت دمعة (مرة) في عينها تبرق = تصوّرت لي حبالِ لين تشنقني
أرهقت ضعفي أو إنّه ضعفي المرهق = اللي اعرفه جهلت اللي يحققني
(حمد) دخيلك أبي هالنافذة تغلق = لو إن شعورك حقيقة ما يصدقني

[/poem]