بــرد الغــرامـ.

[نبراس المشعل]

.
.
.

البرد مثل الجفا حولي محاصرني
....................حتى الأمل إبتعد عني وخلاني

الله على البعد والفرقا مقدرني
..............أضعف وأرد أنتهض من قوة ايماني

أفارق النوم إذا طيفك يسامرني
.......وماحاشني جوع إذا جبتك على لساني

مافيه غيرك على بعدك مصبرني
..............أرضى بهجرك ولامواصل أحد ثاني

أنفاس شوقك إذا هبت تطيرني
.................أطير وجد وحنايا صدرك أغصاني

مازلت طفلة غرامك لا تكبرني
...............أخاف من وحشت غيابك وتحناني

تدري وش اللي مضايقني وكاسرني
.................انك بلا قربي راح تعيش وحداني

بكره اذا غبت عن عينك تذكرني
....................لا تاخذك مني الدنيا وتنساني
.
.
.