من انا؟مدري!!

[سعد مرزوق الاحبابي]

مصافحه لقلوبكم النقيه وشكراً لمن شرفني بالدعوه

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من انا ؟ مدري!! ولكن شخص تاهت به دروبه=بين جلد الذات والّلاوعي واحلامً توارت
لي زمان وقلبي المتحطم يحسّب ذنوبه=ليت نفسي قبل تجرفني الى الذنب استخارت
قلت توبه لكن الحظ الردي ماقال توبه=كل ماشلته يطيح وعذره (الايام جارت)
اااه من وجهً حكت كل المرايا عن شحوبه=واااه كم من دمعةً زرقا بموق العين حارت
لو نسيم الشعر يغريني وتنعشني هبوبه=مايطفي حسرةً بين الضلوع العوج فارت
كنت احصد الزرع لطيوري واغذيها حبوبه=ويوم نبت الريش جات ودمرت زرعي وطارت
هاتوا احزاني معي ولا الفرح ماني بصوبه=هكذا صارت حياتي بس مدري كيف صارت!!
فاتحً قلبي لكل الناس والناس غدروا به=وخير! باروا.والله ان حتى عروق القلب بارت
كم تهوّرت وبنيت الحلم طوبه فوق طوبه=وصدمتني عقب ما اعطتني ظهرها واستدارت
روحت مثل الصباح اللي كساه الغيم ثوبه=ووقفت تخزرني بنظره اخيره ثم سارت
والله انها قمة الحشمه معا طهر وعذوبه=ووالله انها باقيه لوهي عن عيوني توارت[/poem]