المعتــرك ( البارحه ياوليف الروح حالي سمج )

[نواف بن جارالله المالكي]

[poem=font=",6,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
البارحه ياوليف الروح حالي سمج = والليل درهم بحملات الشكوك وبرك
ليه الشكوك؟ وحياتي داخلك تبتهج = واضلوعي الحدب صارت كلها دفترك؟!
اعطيتك الحب وفواد العنا والمهج = ماعاد عندي عتاد ادخل به المعترك
علمتك الصبر ، من يدّك خذيت الفرج = واعقد نتيجه فهمها القاسم المشترك !
غبتي ولكن حضورك من غيابك خرج = واجبر غيابي على طيب اللقا واحضرك
اذا ذكرتك بلحظات العتب والغنج = ماكن شيئاً على وجه المدى يحترك
واذكرك لاطقت اقدامي عتاب الدرج = واحضوري المرتقب بذا الخفا واسهرك
واضيع مابين نظراتك وسرد الحجج = وانتي تقولين يا بن الناس مين أخرك ؟
نظراتك العاتبه في وجهك المبتهج = خلتني اقول سبحان الذي صورك !!
يتقاطر الورد من خداً غزاه الحرج = فرحة عيونك بشوفي زينت مظهرك
لا.. مقدر اذكرك لان القلب مايزدوج = وش لون يذكرك قلباً عاش يستشعرك
إذا لقيتك هنا .. عيني هنا تندمج = مابين هزفة خُطاك .. وعنفوان اشعرك
صلافتي ..رقتك ... ضحكتك لون انسج = في لوحة الروح مابين احمري واصفرك
ناديت باسمك على طيفك وطيفك هرج = من بعدما غصت ف العزله الى آخر درك
غبتي .. حضرتي .. ترين الوقت بك يختلج = ميرادك القلب ... وعيون الغلا مصدرك [/poem]