.. خيوط الشفقّ !

[أحمد المعمري]

المشاركة الأصلية كتبت بواسطة محمد السالم

..

..


وشكثر في غيبتك في خاطري شيّ
..........................آمد صوتي عليه ولا يقوله
..
..
أحاول أتناوله وتخافه يديّ
....................وحتى عيوني على شوفه خجوله!
..
..
يا شين حال القتيل للي نقل حيّ
..........................يحس نبضه ولا يقدر يطوله
..
..
واليوم هذا أنا معاد لي بيّ
.........................إنسان ويخاف حتى ظل زوله
..
..
غصنن طواه الجفاف ولا وجد ريّ
....................أصبح خريف الضما أربع فصوله
..
..
معاد في تربته نبع من الميّ
........................حتى الندى في غيابه دار حوله
..
..
من عقب ماهو يهزم الشمس بالفَيّ
........................صارت خيوط الشفق تمعن ذبوله
..
..
ياكثر مالريح تصفر به وياهيّ
...........................تطوف به كل ما قامت بجولة
..
..
ومازال ظنّه حسن في واقع سيّ
.............................مواطنً من وفا والحزن دولة
..
..
رجاي لك لا تكرر غيبتك ذيّ
.............................ويدين حزني لفرحاتي غلولة
..
..
أمانتك لا تزعزع مارسخ فْيّ
...............................إن الوفا معتقد وأنك رسوله
..
..
من جودك المرتجى تسخي لي شويّ
.............................ما دامك الظل والغيم وهطوله
..
..
إذا تكرم تقضّي حاجة ليّ
...........................غمّض عيونك ولا تسأل شنو له؟
..
..
يمكن على شان ضيمي لا خذ يديّ
..............................قد خذت لي شربة تهزم ميوله

..

..

م.س.

صح لسانك عالروعه يا اخوي محمد
ما عليك قصور

تقبل مروري