من القلب جت والكل يعرف حقيقة حب سلطان عند الكل

[خلف المهيلان]

استعجلت فـ ارجو وضع هذا بعد البلوره الفرحه مع الاستعجال نتج عنها عدم البلوره ولكن يكفي انه من القلب وبنفس الوقت


كتب

عوده حميده ياسلطان الخير=كل البلد وأهله على استعداد

وكل ٍمن الفرحه يبي يطير=والشوق بارق والغلا رعاد

كان الوله دلو الصدور البير=والحب جم قلوبنا الوراد

ابطيت تاخذنا معك يامير=والي بقي مجرد الاجساد

وشلون اصور للجم التعبير=رغم أني وشعري حبروامداد

يامن زرع بسموه التقدير=يامدرسة خلق وكرم واجواد

ياموحش الشايب مع الصغير=يالي تقسام بالغلا الاولاد

الله يعلم مابها تزوير=وبلا نفاق الا من الا سعاد

يامرحبا تكتب على تكبير=ماهي فقط لوحه وخبر ينعاد

على القلوب مصوره تصوير=وحاضر بدعوة خاشع السجاد

كل عزاه بغيبتك تصبير=والشوق متعب والوله بجهاد

ماحد(ن)لمدحك طالب ٍتبرير=اعقود عمرك حافله واسناد

عوده حميده والفرح يامير=عبر المشاعر بالوله يزداد

والشر قفا والشفاءوالخير=يلبسك بقدومك ولا ينعاد

ومرضك له بقلوبنا تعوير=وجيتك فرحه والقصيد مداد