كفارة الذنب .. تمزيق غلا/فات من اجل صفحـ/اتي

[محمد عوده البلوي]

السلام عليكم ورحة الله وبركاته



يا من بينكم البقاء رفعه

ومعكم التواصل تتنفسه الحروف

لتستشعر الحياه بعدما الفظ اخرها ليبحث عنكم


كل ما هو هنا

لكم منه ما يليق وعلي ما سواه





,


,

,

والحياه اللي بدونك ... كيف اسميها حياه وهي ...


بدوني


الضما اللي جفف أغصانك ... كسرني

وكل ما فيني قبل موتي قبرني

كل ظرف يحط فوق الذنب ذنب ..

وكل مبداء ما عذرني

الثقة سوت طريق .. وجاء طريق التيه منه وفيه .. وامتد

وعبرني

وانجرف مني ثلاث أرباع ... والباقي بكاني ...

واحتقرني

والضمير اللي تواطا .. يسحب أقدام التمادي ...

عادي ...

ويا ما وأنا في جو هادي

من خبا الـتأنيب سل بوحدتي خنجر ( مصدّي ) ... من بطا الموت ....
... ونحرني

وانثر أعذاري ... وشيطان الغوايه بإنتظاري ..

والطريق اللي عليه يردني ... لا يمكن يرد اعتباري

والحياه اللي بدونك ...


عشتها ..


لكن ..

بدوني


وأتدثر فالظلام الحالك لحالي ..على ذنبي ..



وخوفي ما سترتني


عن شعاعك ما تظللني بيوت الصمت وقصور السوالف


وما تفيد الكذبه المتجدده .. والصدق تالف

ليه أخالف ... ليه ..؟ مع إني على الإخلاص حالف

يا خساره وأنتي أول تحسبيني وافي وصادق ..


وأثرني ..!


الحياه اللي بدونك

كنت


اسميها حياه وهي ..

بدوني

وأنتي اطهر من بياض النيّه ... وكل الظنون

يا شموخ إنسانه اكبر من حروف الشعر .. يا ملي العيون


مظهرك مضمون ...وأوصافك مزايا


والزمن هذا وجودك فيه ... ميزه


نادره في كل شي

وبين الاسماء .. اسما ..


... وتبقي للسمو ركن وركيزه


في مدار الحسن نور ...

وفي بساط الأرض

ارض جذابه عليها ألف سور

ومن ورى أقفاص الصدور

قلوب تتساقط .. وتذبل ...

وأنتي عينك فالسماء ترقبني ... ونفسك عزيزه


وانا ابا ارجع في سما هقواتك ... وذنبي أسرني


سامحيني

واصفحي عني بعفو اللي قدرني

واستعيديني

ترى احساسي بعَد رحلة تبلد ..

عاد لي حي .. وملا كل الفراغات

وعمرني

والحياه اللي بدونك ... كيف اسميها حياه وهي

بدوني

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]






الشعر يستأذنك .. وأنتي لحرفه منا=وآنا اللي أحْسب لك ألف حساب ... قبل اكتبه
أخاف..: ما يَعْجِبِك مضمون .. ولاّ بنا .=ثم اكره الشعر كله .. وأهمل الموهبه
إن ما جنا الشعر لي بسمة رضا .. وش جنا..؟=يا غاية الشاعر العاشق .. ويا مطلبه
عذبني الضيق في صدري ..وصدرك فنا=لي فيه حلم الحياه الحلوه المعشبه
عمري من القيض وديار الجفاء .. لك عنا=عطشان.. وأشوفك أنتي ظله ومشربه ..؟
أشوفك النور .. وإحساسك مداده سنا=لكن ترى البدر .. ما بينك وبينه شبه
البدر للكون كله ... وأنتي لي بس أنا=والبدر يعكس ضياء غيره .. وضيّك هبه
تغنين عن من سواك وعَنْك مالي غنا=والعمر .. !وش راس مال العمر ..؟ وش مكسبه ..؟
من دونك أضيع ... وايامي توقف هنا.=احيا بك وغيرك أحياه .. وقد استعذبه
رقيتي وكل شي إن ما رقا .. ما دنا=يا علو من جاء مكانه.. بعدك بمرتبه
والحمد لله والشكر وعظيم الثنا=ساقك علي بين مشرق عمري ومغربه
يا فرحة أيام عمري يا السعد يالهنا=الشعر جاك أصدقه عاني ..وجاك أعذبه
وانتي .. ولا تعبرينه ..! ... لكن لنا=يجوز لك في شريعة حبي ومذهبه
يا ما انهمل شعري ويا ما ضماك وفنا=ويا ما غفلتي عن احساسه وهو منتبه
دايم لك الشوق يحملني ... قصيد وغنا=وأنا اللي محمل ذنوبه على منكبه
أهيم واستشعر الراحه بدونك ... عنا=ومَعْك استلذ التعب .. وارتاح يوم أتعبه [/poem]

الحياه اللي بدونك ... كيف اسميها حياه وهي بدوني ..

يا عيوني

ما مضاء من عمري إلا اللي قضيته معْك .. واخضرت بوقته

غصوني

ومن بديت أحياك عمر أيامه الحب ..

إحسدوني

وافتكرني

...حظي ..

وطاح ..
وعثرني ..


للسعاده في سعاده لم يذرني

كنه اللي للشقاء والحزن والضيقه نذرني

لين هجرك والزعل .. على جمر ذنبي ...

نثرني


وانتظرك تجين



في قلبي ندم صادق


وفي راسي وعد صامل


وفي عيني عذر متردد


ودمعة حزين



وفوقها في خاطري

هالكلمتين

والحياه اللي بدونك ... كيف اسميها حياه وهي بدوني


... كيف اسميها حياه وهي بدوني ..؟


... كيف اسميها حياه وهي بدوني ..؟

للجميع تحياتي

 

[منتهى القريش]

(والحياه اللي بدونك ...
عشتها ..
لكن ..
بدوني
وأتدثر فالظلام الحالك لحالي ..على ذنبي ..
وخوفي ما سترني)

صباحك جميل كعزفك ..
جئت أبحث عن شعر يلامس الروح فوجدته هنا ..
مدهش أنت وأكثر ..

شكرا لله عليك ..

 

[ثامر البلوي]

:
:

محمد البلوي

وووومسآئي معك غيـر

صح كلك أيها العذب ,, أرويتني شعرا ورب محمد

متصفح كـ الغيم وأبعد

شآعر أقل مآيقآل عنه شآعر

تحياتي وإحترآمي

وكن على ثقه بـ أنني أنتظرك دوما

 

[خلف المهيلان]

b]

محمد اتيت استمتع واجدد الولاء مع صاحب هذا النهرالعذب

فقط لاجديد سوى العذوبه
بنصوصك

الشهر مبروك عليك

مبدع يامحمـــد بكل ماتعنيه هذه الكـلـمـه،
ودي وغلاي وتواضع مروري ياسمو

خ م

[/b][/QUOTE]

 

[خالد علي اليامي]

محمد

جمال لايستحق مني الا الرد بجمال

عذرا على تقصيري

ولكن لااستطيع وفائك

حين اقول جميل

كل الود ياشعر

 

[رزان العتيبي]

والحياة اللي بدونك كيف أسميها حياة ...
ثامر .. صح نبضك ...

 

[عبدالله العويمر]

محمد

تُرَتّب الْمَسَاء بِحَرْف ٍ مُبْهِج


حُضُورك يُشْرِق

دُمْت يَاجَمِيْل

 

[عبدالله عوجان]

وأنتي ولا تعبرينه لكن الله لنا

صح لسانك