[ .. وبالنافذه عصافير تغني .. ] .. !!

[تفاصيل]

.








يمشي على هذا المدى .. طفله ومعطفها قديم
....................... تبكي ولكن الزمن ..مايرحم نفوس الضعاف ..!!


في كفها الأول ندم .. والثاني يحضن أسكريم ..
........................ والساق تنده أختها ..عن تالية هذا المطاف ..!!


ياطفله وإن صابك ألم .. لاتحزني ربك كريم ..
.....................خلي الطفوله من حلا .. عطرك تثير الإختلاف .. !!


قدامك أشياء متعبه .. سورٍ ومشوارٍ أليم ..
........................... ناس تجازيك الجفا .. بالعمر وقلوب جفاف .. !!


لاتحزني لاتحزني .. العمر مو دايم عتيم ..
....................... فيها السعاده دمعةِ نامت بأهداب الضفاف ..!!


يمه .. إذا كان الوفا .. سلعه بميزان الحليم ..
..................... ليه الطهر إنسل كنه .. طفل ميت من خلاف .. !!


هالطفله قولي شذنبها .. تبقى لهالدمع النديم ..
................. تنفث صدى من فرحة الطايش .. وإيديها ضعاف .. !!


إلى متى نبقى كذا نبني .. وحاضرنا دميم ..
............. نتمنى أشياء بالحكي .. وبالصدق أسودنا لحاف .. !!


إن ناقشوا قلنا معاذ الله واقعنا سليم ..
.....................وياللأسف وين السلامه والكذب سمه رعاف ..!!


دام إنها أصدق دروب الأرض خط المستقيم ..
....................بامشيه لو ساق الخطر .. أيامي حد الإنعطاف ..!!