ياطيب شمّر يارجاجيل طيباه**ماهوقصورٍ في جميع القبايل

[حسين البليهي]

كماشرفني هذا الشمري الكريم برده الكريم
يقول:

يامرحبا باللي زعجلي تحاياه
الف ٍهلابه ياهلا بابن وايل..
مثلك عزيز وطيب في سجاياه
رجلٍ كريم ٍمن رجال قلايل
من روس اهل صبحا ولا جيت تنخاه
يشيل حملك لو حمولك ثقايل
هذا البليهي نعم لا حل طرياه
مافيه عذروبٍ ولا قايل عايل
ياحسين اشوفك تطلب القرب تبغاه
تبغى حليله من بنات الحمايل
بنتي صغيرة سن مابه مراواه
وايضا خواتي مزوجات(ن) حلايل
لنا الشرف بالقرب والعز والجاه
لكن ظروفي شوفها بالدلايل
عطني رسنها واتركن اتولاه
واشوف ربعي واترقب واخايل
ربعي ضنا مسعود لاشد صلياه
يردون حوض الموت محدٍ يسايل
عل وعسى نلقىالفتاةالمسماه
تصبح حليلة زود فوق الاصايل
وان ماحصل ياحسين باللي تمناه
خيرة وقسمة مابها لي جمايل
أبوفاضل الشمري