[ الْمِدَى ..وَ الرّيْحْ ]

[اسعد الروابة]

المشاركة الأصلية كتبت بواسطة عبدالله العويمر

للريح صوت00وللمدى صرخة الريح
...................................ولاللمدى فزعه ، ولو يسمع الصوت




وسعف النخل وان شفته يقوم ، ويطيح
..................................مثل السنابل رقصها 00رقصة الموت




والشعر مثل الريح ، صرخ المجاريح
................................وجروحهم مثل المدى 00تفزع سكوت




أسمع مشاعرهم وهي ترقص ، تصيح
.................................قصه غريبه يِبْكِي الفقر ياقوت!!!





الحزن شاعر00في بيوته تباريح
...................................ودرب القصيده باخره صار تابوت




ياللي تبي بالشعر للنفس تفريح
.................................غلطان ياللي تحسبه سحر هاروت




قبل القصيد ، وبسمتك تزرع الشيح
.................................والّحين دمعك يقتل الحِسْن والتوت





رضيت ليلك تختفيبه مصابيح؟؟
..................................منهو يبيع النور في ظلمة بيووووت؟!!!




والشاعر اللي يكتب الشعر ويبيح
....................................لاتحسبه في يوم بالشعر مبخوت




لو شاف دمع ٍ مثل دمع التماسيح
...................................يكتب لها شعر ٍ على القلب منحوت




وشلون لو يكتب عن الجرح توضيح؟
...................................جرح ٍ ذبحْه الجوع ، والشعر له قووووت












تدري؟ لقيت إنّي مثل صرخة الريح
................................وانت المدى، لوصحت ماتسمع الصوووووووووت






لكم الحب

عبدالله العويمر:

رائعة هذه القصيدة
لها ملامح لاتشبه غيرها
دم بخير