اوقاتكم سعيدة الشعر لا يحتاج لمقدمات
اضع نصي المتواضع بين أيديكم عسى يرقى لذائقتكم
من دفتين الحقيقة يا قصيدة خيال
جيت أكتبك وأتسلف دهشتي بك غنا
لو كان صوتي نهر جاك بعذوبة وسال
*لانك بداية قصيدة وأمنيات ومنى
*الصمت قالوا جماله في حضور الجمال
*واستنطقه زود حسنك وأنثنى بي أنا
*هزي غصوني ترف والا دلع او دلال
*لين يتساقط قصيدي نجمتين وسنا
*من هيجن الصبح صوتك والهوى لايزال
*يسرق من احساس عطرك لين جابك هنا
*حتى المسا من ملامح فتنتك مال مال
*يربت عليك بيدينه كنك أغلى ضنا
لو تاخذ الريح بانفاسك وهبت شمال
*قلنا مع انفاس وردك للورود الفنا
*لويشرب البحر ملحك صار عذب" زلال
*ترسل لك امواجه الزرقا سلام و هنا
*هي كم تذوق المرايا منك سحر" حلال
يا فاتنة والمرايا قالت الله ...لنا
*تدرين ما يقنع الطرقي بكلمة تعال
*لان المسافات عميا والمفارق دنا
لو تذكريني حقيقة او قصيدة خيال
*قولي بدر كان يقصدني بشعره انا
آخر المشاركات
02-06-2017, 12:54 AM
قصيدة خيال
العرض الشجري