حاله !!

[حمود الحجري]

المشاركة الأصلية كتبت بواسطة بندر الخزمري

زرعتكِ تين ..
لكن ما جنيتكِ يا ثماري تين
او اني قبل لا اجنبك (ا) بيديني ..
ضاعت (ا) يديني

تلاشى الوقت ..
و (ا) حروفي تنادي : لا متى ولـ وين ؟
و انا اتهادى تعب ..
و ادعي عساها ما تناديني

سخط لا صافحة يمنى سلام ..
و جاوبة سكين !
قهر لا غابت (ا) وجيه البيارق عن مياديني !

بسطت (ا) سنين عمري للسحاب ..
و كافئتها طين
و انا من جهلي اصرخ :
يا سحاب الخير زيديني

كتبني الشعر حاله ما تشابه وصفها لاثنين
ولكـن وش يفيـد ان كـان وصفه ما يوديـني

لدربٍ يفتح ابواب العواصم ..
ينقضي به دين
يعوضني خساراتي ..
يلملمني ..
يهديني

يصد الفقر في وجه الظروف ..
و يغتني طفلين
و يحميني من انياب العدى ..
و المستبديني

انا اكبر امنياتي يا ثماري بيت من دورين
و راتب ما تشتته القروض ..
و ينقضي ديني

و لكن من زرعتكِ يا ثماري للاماني تين
و انا ادري لو بجيني وقت يرفضني ..
تكيديني

لذا عيّا يعيش آخر أمل في داخلي يومين
مع وقت الحصاد اللي جمعنا ..
ضاعت (ا) يديني

حالة باذخة
فاتنه

بندر :
سننتظر حالتك القادمة ..
بشغف