السلام عليكم ورحمة الله وبركاته
صباحكم/مسائكم ،، مكلل بالرضا والسرور وغفران من الله سبحانه
بسيطة جديده أصافح بها ذائقتكم من جديد بعد غياب،،
وأتمنى بصدق أن تنال ولو بعضا من إستحسانكم
،،،،،،
أقول::
ليه أحبك؟؟ ليه أتمنى أشوفك؟؟
ليه طيوفك،،صارت أيقونة سهادي؟؟
ليه كلْ ما تآخذك منّي ظروفك؟؟
تآخذ أفراحي بعينك معْ فؤادي!!
ليه أنا بالذات يدهشني،، وقوفك
عند بابي،، رغم إنـّك شخص عادي
ليه أشتاقك؟؟وأشتاق لْحروفك
وأنت هايم بالشعر في كل وادي
لو يعافوك الملا مايوم أعوفك
وأعتبر لعيونك ((بلادك بلادي))
وآتحلى بالصبر قدام خوفك
وأجتهد لرضاك ويزيد إجتهادي
لو يطوف اليوم باكر لايطوفك
حبني قبل أتخذ موقف حيادي
حبني ولا تقتل الشوق بعزوفك
للشعور رقاب والحيره أيادي
تخنق شعوري معك كل ما أشوفك
وألتزم بالصمت وأنتظرك تنادي
....................
وسلامتكم
آخر المشاركات
11-02-2012, 04:27 PM
أنت هايم بالشعر في كل وادي!!!
العرض الشجري