دندنة بطران

[بسام الرميلي]

السلام عليكم
اسمحوا لي بهذه "الدندنة" واتمنى ان تعجبكم

دنـدنـيـلي دنـدنـيـلي دنـدنــي واعـطـيـها
دنـدنـيـلـي دنـديـلـي واسمـعـي دنـداني

الـمـبـانـي كـــل مـا زانـت عـلا بـانـيـهـا
وان تمايل ساسـها خارت وَخاب الـباني

والقــصايد لـو تدنـدن فـي إذن صاغـيها
اعرف إن الـلي كـتبها شاعر(ن) بطـراني

يا قـصيـدي اخـتـر الفـكره وانـا معطيها
لـك عـلي إنـي عـلى كـل الـبُحُر تلـقـاني

مير انا راعـي الفـرايد ميـر انـا راعـيها
والقـلم صـاحب وفـي(ن) لي ولا يعـصاني

إن كتبت الشـطـر الاول لاح لـي ناهـيها
وان كتبت البيت الاول جاء وراه الثاني

والورق زاده فـخَـر كـل مـا حبـرته بيها
والحبر ما يـنتهي كـل ما طلبت اعطاني

والبحـور امـواجـها تـأتي بـمـا بشـهـيها
والفكِـر لـو مـا يحين الحين حـينه حاني

هذا انا ولْـد الرميلي* وان نويـت ابـنـيها
كـل حرف(ن) من حروف الابجـدية جـاني

هذا انا ولْد الرميلي وان عزمت ادعيها
جاتِـنِـي مـتـسـلـسـة تـتـبعْ خطى دنداني

كـنها الـعـيـس الـتـي تـتـبع حـدا حاديها
او بـنات الـريـح تـتـسابق عـلى ورقاني

يا قـصيـدي دور الصـعـبة و انا نـاويها
ما يـوقـفني صـعـب سـيـفي بحد لساني

مـا تـتـعــبـنـي وزون(ن) تــعـبـت بــاديها
انـتـهـت كـل الـوزون ولا تـعب ميزاني