بـ اقدع معَ جنّ السهر ..!

[شهد الدوسري]

بسم الله الرحمن الرّحيم ..
السلام عليكم وَ رحمة الله وَبركاته


سلام الله يحميكم من شر بني الجـان =)
فيما يلي من ذكر الجان كانت أمّي السبب هههههههههههههه
حينَ تلفّظت بـ عصبيّة (لبسي أخوك لبسك جنّي) :/
بسم الله علينا وَ عليكم

فـ جاءت ارتجالية فـ عُذرا :/
ذكر الجان ارتجالي أمآ البقيّة فـ سابقة ..

الغيم الأبيض فـ السما جوّ الأحبآب !
........ تعال نحيا أحبآب وَ أوعدك ما أغيب ..
تعال شوف بدآخلي مُر الغياب..
........ عفّن خلايا نابضي شنّ تخريب !

جنّيتي ما هي تحب الخفايف
........ جنّيتي تآتي على الشعر (حزني)
يجنّ ليلي والتقي بالحسايف
........ تجي تخاويني على شلّ وزني
جنّيتي لا جت جروح الولايف
........ ترقص على جثّة جفافات مزني

سولف علي أنآ ما عندي سوآلف ..
........ يا اللي سوآالفك القديمآت ترحي ..
سولف علي بأنسى همومٍ خوالف ..
........ لفّت على عيني حكايات جرحي

بـ اقدع معَ جنّ السهر ..!

بـ اقدع معَ جنّ السهر لأجل طرياك
........ يا اللي خذيت من البشر كل حالي

بـ أذكر لهم [همّ الملاقاة ويّاك] !
........ وأرسل توابع تجبرك في وصالي

هُم شايفني كيف سوّت سواياك
........ يراقبون الحزن وشلون جا لي

يكتم على صدري جثوم بـ نواياك
........ وأصبح أشوف أزوالهم في خيالي

واحد يداعب غترته يشبه قفاك
........ واحد صرعني يشبهك في وصالي

مير أن عيني ما تبي غير ذكراك
........ أبكيك يكسرني جنوني لحالي

أخاف لكن خوف ما هو بشرواك
........ مير أنت خوفك غير يا هُمّلالي

يطرق على صبحي من الونّ مثواك
........ وشلون صاير في وجودي وبالي

وحده تناديني ( شهد ويش مغناك) !
........وتقلّد أصواتك بصحرآ خوالي

وأحسّهم لا جيت أدوّر بقاياك
........شبوا بي التفكير فوق احتمالي

جنّية الوجعه بصدري تبنّاك
........ وشلون أخاف ومثل جرحك توالي !

خيّل لي إنّي شفت زولك وهلّيت
........ وأقفيت أجامل دمعتي بين كفي
ليتك معي قبل الموادع تغنّيت
........ بـ شلون أحبك وأنت بالطبع مقفي !

قبـل الودآع همْسّة ..
عيني على سآهر يصوّرك مسرع !
........ يا اللي مغآمر في جنون انتحاري !
كالبرق تقفي تارك ألفين مصرع !
........ ألفين شوق ألفين دوي انفجاري

أخيرهـ ..
لا إله إلا الله وَ ذكره .. تحميك من بني الَجـان
حمانا الله وإيآكم منهم

مَـا أسلف من الجنيه هههههه

ما كان سابقا من الـ شَّهْد الدوسري ‘
وكالعادة .. عُذرا لـ الإطالة