من تعامل بــ(الصراحه) مالقى من دق بابه!!

[تفاصيل منسيه]

السلام عليكم ورحمة الله وبركاته

صباحكم/مسائكم..رضا وسرور
أحبتي في الله..
أبيات جديده كـ مصافحة وفاء .. أتمني أن
تنال إستحسانكم ..

أقول::

[poem=font=",6,deeppink,normal,normal" bkcolor="white" bkimage="" border="none,4," type=2 line=0 align=center use=ex num="0,black""]
لآ ضحك سنك تهاوت آخر أسوار الكـــآبه=وأزهرت أرض المشاعر بالرضى والإنسجام

وأشرقت شمس القصايد من ورى غيم الكتابه=والسكوت أصبح ظلال لأجمل أغصان الكلام

شف وجودك كيف حطم آخر أصنام الرتابه!!=وشف وفاك شلون علـّم قلبي يصون الغرام!!

من يقول إن القصايد في معانيها تشابه؟؟=كم قصيده بددت بأنوارها يــآس وْ ظــلام

ذابت حروفي بصوتك عطر ألهمني إنسكابه=وإرتسم فوق المــحــيـّا السمح تلويحة سلام

والفضا زاد إتساعه والقمر أعلن غيابه=بين أسراب النجوم اللي يبعثرها الهيام

كل شيّ لحظة وجودك ساده إحساس الغرابه=وكل حيّ لحظة وجودك حسّ صوبك بإهتمام

كل شيّ وكل حيّ (ن) فاقد بحـبـّك صوابه=لنـّك بطبعك ..مثالي.. وتستحـــق الإحترام

بين أضلاعك توارى قلب له طهر السحابه=وفي عيونك (طفل متعب) ظل يبكي لين نام

ودي أسأل::هوغرامك ذنب مكروه إرتكابه؟؟=والعشق وشلون ممكن يصبح أسلوب إنتقام؟؟

أغلب الحكي إرتجالي وأسئلته بْـلا إجابه!!=يايجي بْصيغة عتاب أحباب أو صيغة ملآم

من تعامل بالصراحه مالقى من دق بابه=ومن يجامل في ضميره نال تقدير ومقام[/poem]

.................................................
وسلامتكم