سـحـر ربـانـي

[محمد الزويد]

السلام عليكم و رحمة الله و بركاته

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جمعني الحب بك ليله ولا ادري وين وداني=وشفت اللي سحر قلبي وانا ادري انك تعذرينه
اشوف فعينك اليمنى هنوفٍ حيل تهواني=واشوف فعينك اليسري جنون الحب تبديه
واشوف بوقفتك هيبة أميره هزّت أركاني=واشوف الارض تتفاخر على كل متر تمشينه
واشوف بجلستك قربي لهيب الشوق يغشاني=واشوف انك على قلبي تغارين و تعشقينه
واشوف بضحكة عيونك جمال الكون يزهاني=واشوف ان الفرح بابي و عليك انك تفتحينه
واشوف الحب في قلبك ملا دنياي و أرواني=واشوف النور من صدرك يشع و لي تزيدينه
واشوف الورد يختال بيديك و زان بستاني=واشوف انه من اسبابك بدا يترك بساتينه
واشوف ان العصير اللي من ايدك جداً أغراني=واشوف الكاس بشفاهك سكر و انتي تشربينه
واشوف بشاشة التلفاز برنامج ( على شاني )=واشوف ان الفلم بالعكس يشوفك ما تشوفينه
واشوف احلى فساتينك ينافس كل ٍ الثاني=واشوف اللبس في الدولاب يتمنى تلبسينه
واشوف الجينز يتدلع و هو شكل لي ألواني=واشوف بلوزتك تحلى اذا خصرك تميلينه
واشوف ان الخجل يحلاك واكثر فيك بألحاني=واشوف خدودك الحمراء وانا اتغزل مضامينه
واشوف ان خبر حبك اكيد احلى خبر جاني=واشوف الحب وسط القلب واضح من عناوينه
أحس ان يوم حبيتك عليك الكل وصاني=فديت احساسك الدافي يغار الورد من لينه
وأحس الصوت بك خافت وهو بالكاد ناداني=وأحس إني اكاد اسمع وانا ادري ما تسمعينه
وش اوصف في مزاياك و جمالك سحر رباني=عجزت اوصف حلا حسنك وانا اللي ذبت من زينه
غلاك اغلى نصيبٍ نلت يومٍ ربي اعطاني=وشكرت الرب يوم انه عطاك اللي تمنينه

[/poem]